ഇടുക്കി ജില്ലയി​ൽ ആശുപത്രികൾ നിറയുന്നു

തൊ​ടു​പു​ഴ: കാ​ല​വ​ർ​ഷം ശ​ക്ത​മാ​യ​തോ​ടെ ജി​ല്ല​യി​ൽ പ​നി​യ​ട​ക്കം പ​ക​ർ​ച്ച​വ്യാ​ധി​ക​ൾ വ്യാ​പ​ക​മാ​യി. വൈ​റ​ൽ​പ​നി ബാ​ധി​ച്ച്​ ആ​ശു​പ​ത്രി​യി​ൽ എ​ത്തു​ന്ന​വ​രു​ടെ എ​ണ്ണം ദി​നം​പ്ര​തി വ​ർ​ധി​ച്ചുകൊണ്ടിരിക്കു​ക​യാ​ണ്. ഡെ​ങ്കി​പ്പ​നി ബാ​ധി​ത​രു​ടെ എ​ണ്ണ​ത്തി​ലും വൻവ​ർ​ധ​ന​യു​ണ്ട്. എ​ലി​പ്പ​നി​യും മ​ഞ്ഞ​പ്പി​ത്ത​വും പ​ല​യി​ട​ങ്ങ​ളി​ലും റി​പ്പോ​ർ​ട്ട് ചെ​യ്യു​ന്ന​തും ആ​ശ​ങ്ക​ക്കി​ട​യാ​കു​ന്നു. പ​നി​ബാ​ധി​ത​രു​ടെ എ​ണ്ണം കൂ​ടി​യ​തോ​ടെ സ​ർ​ക്കാ​ർ ആ​ശു​പ​ത്രി​ക​ൾ ​ഉ​ൾ​പ്പെ​ടെ​യു​ള്ള ചി​കി​ത്സ കേ​ന്ദ്ര​ങ്ങ​ളി​ൽ നി​ന്നു​തി​രി​യാ​ൻ ഇ​ട​​മി​ല്ലെ​ന്ന സ്ഥി​തി​യാ​ണ്. ആ​യി​ര​ക്ക​ണ​ക്കി​നാ​ണ് ​ആ​ളു​ക​ളാ​ണ്​ ദി​വ​സേ​ന പ​നി ബാ​ധി​ച്ച്​​ ചി​കി​ത്സ തേ​ടു​ന്ന​ത്.

വൈ​റ​ൽ​പ​നി ബാ​ധി​ച്ച്​ മാ​ത്രം തി​ങ്ക​ളാ​ഴ്ച 465 പേ​രാ​ണ് സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി​യ​ത്. ജൂ​ണി​ൽ 6752 പേ​ർ വൈ​റ​ൽ പ​നി ബാ​ധി​ച്ചു ജി​ല്ല​യി​ൽ ചി​കി​ത്സ തേ​ടി​യ​താ​യാ​ണ് ആ​രോ​ഗ്യ വ​കു​പ്പി​ന്റെ ക​ണ​ക്ക്. സ്വ​കാ​ര്യ ക്ലി​നി​ക്കു​ക​ൾ, സ്വ​കാ​ര്യ ആ​ശു​പ​ത്രി​ക​ൾ, ഹോ​മി​യോ, ആ​യു​ർ​വേ​ദ കേ​ന്ദ്ര​ങ്ങ​ളി​ൽ ചി​കി​ത്സ​തേ​ടി​യ​വ​രു​ടെ എ​ണ്ണം കൂ​ടി നോ​ക്കി​യാ​ൽ പ​നി​ബാ​ധി​ത​രു​ടെ ക​ണ​ക്ക്​ ഇതിലും വ​ർ​ധി​ക്കും. പ​നി, ചു​മ, ജ​ല​ദോ​ഷ ല​ക്ഷ​ണ​ങ്ങ​ളു​മാ​യി ചി​കി​ത്സ​ക്കെ​​ത്തു​ന്ന കു​ട്ടി​ക​ളു​ടെയും വയോധികരുടെയും എ​ണ്ണ​വും കൂ​ടി​യി​ട്ടു​ണ്ട്.

ജൂ​ണി​ൽ ജി​ല്ല​യി​ൽ 98 പേ​ർ​ക്കാ​ണ് ഡെ​ങ്കി​പ്പ​നി സ്ഥി​രീ​ക​രി​ച്ച​ത്. ഒ​മ്പ​ത്​ പേ​ർ​ക്ക് എ​ലി​പ്പ​നി​യും 23 പേ​ർ​ക്ക് മ​ഞ്ഞ​പ്പി​ത്ത​വും (ഹെ​പ്പ​റ്റൈ​റ്റി​സ് എ) ​റി​പ്പോ​ർ​ട്ട് ചെ​യ്തു. വ​യ​റി​ള​ക്ക രോ​ഗ​ങ്ങ​ളെ​ത്തു​ട​ർ​ന്ന് ജൂ​ണി​ൽ 1311 പേ​ർ ജി​ല്ല​യി​ലെ വി​വി​ധ സ​ർ​ക്കാ​ർ ആ​ശു​പ​ത്രി​ക​ളി​ൽ ചി​കി​ത്സ തേ​ടി. ജി​ല്ല​യി‍ൽ പ​നി​യും പ​ക​ർ​ച്ച​വ്യാ​ധി​ക​ളും ആ​ശ​ങ്ക വി​ത​ക്കു​മ്പോ​ഴും പ​ല സ​ർ​ക്കാ​ർ ആ​ശു​പ​ത്രി​ക​ളി​ലും ആ​വ​ശ്യ​ത്തി​നു ഡോ​ക്ട​ർ​മാ​രും ജീ​വ​ന​ക്കാ​രും അനുബന്ധ സ്റ്റാഫുകളും ഇ​ല്ലാ​ത്ത​തും ചി​കി​ത്സ സൗ​ക​ര്യ​ങ്ങ​ളു​ടെ അപര്യാപ്​തതയും രോ​ഗി​ക​ളെ വ​ല​ക്കു​ന്നു.

മ​ഴ​ക്കാ​ല പ​ക​ർ​ച്ച​വ്യാ​ധി​ക​ൾ​ക്കെ​തി​രെ മു​ൻ​ക​രു​ത​ലാ​യി പൊ​തു​ജ​ന​ങ്ങ​ൾ വ്യ​ക്തി​ശു​ചി​ത്വം, പ​രി​സ​ര​ശു​ചി​ത്വം, ആ​ഹാ​ര​ശു​ചി​ത്വം എ​ന്നി​വ കൃ​ത്യ​മാ​യി പാ​ലി​ക്ക​ണ​മെ​ന്ന്​ ആ​രോ​ഗ്യ വ​കു​പ്പ്​ നി​ർ​ദേ​ശി​ച്ചു. വൈ​റ​സ്, ഫം​ഗ​സ്, ബാ​ക്ടീ​രി​യ തു​ട​ങ്ങി​യ ഒ​ട്ടു​മി​ക്ക രോ​ഗ​കാ​രി​ക​ളും ഏ​റ്റ​വും കൂ​ടു​ത​ൽ പെ​രു​കു​ന്ന​ത് മ​ഴ​ക്കാ​ല​ത്താ​ണ്. മ​ഴ കൂ​ടും​തോ​റും കൊ​തു​കു​ജ​ന്യ രോ​ഗ​ങ്ങ​ളാ​യ ഡെ​ങ്കി​പ്പ​നി, ചി​കു​ൻ​ഗു​നി​യ തു​ട​ങ്ങി​യ​വ വ​ർ​ധി​ക്കാ​നു​ള്ള സാ​ഹ​ച​ര്യ​മു​ണ്ടാ​കും.

അ​തി​നാ​ൽ വീ​ടി​നു ചു​റ്റും കൊ​തു​കു വ​ള​രാ​നു​ള്ള സാ​ഹ​ച​ര്യം ഇ​ല്ലാ​താ​ക്ക​ണം. ആ​ഹാ​ര​വും വെ​ള്ള​വും മ​ലി​ന​മാ​കു​ന്ന​തു​വ​ഴി ജ​ല​ജ​ന്യ രോ​ഗ​ങ്ങ​ളാ​യ വ​യ​റി​ള​ക്കം, മ​ഞ്ഞ​പ്പി​ത്തം, ടൈ​ഫോ​യ്ഡ് എ​ന്നി​വ​ക്കുള്ള സാ​ധ്യ​തയും ഏ​റെ​യാ​ണ്. തി​ള​പ്പി​ച്ചാ​റി​യ വെ​ള്ളം ഉ​പ​യോ​ഗി​ക്കു​ക​യും ഭ​ക്ഷ​ണ സാ​ധ​ന​ങ്ങ​ൾ ന​ന്നാ​യി പാ​കം ചെ​യ്ത് അ​ട​ച്ചു​സൂ​ക്ഷി​ക്കു​ക​യും ചെ​യ്യ​ണം. രോ​ഗാ​ണു​ബാ​ധി​ത​രാ​യ എ​ലി, ക​ന്നു​കാ​ലി, മ​റ്റു വ​ള​ർ​ത്തു​മൃ​ഗ​ങ്ങ​ൾ എ​ന്നി​വ​യു​ടെ മൂ​ത്രം ക​ല​ർ​ന്ന വെ​ള്ള​ത്തി​ലൂ​ടെ​യാ​ണ് എ​ലി​പ്പ​നി പ​ക​രു​ന്ന​ത്.

അ​തി​നാ​ൽ മ​ലി​ന​ജ​ല​വു​മാ​യു​ള്ള സ​മ്പ​ർ​ക്കം പ​ര​മാ​വ​ധി ഒ​ഴി​വാ​ക്ക​ണം. ഇ​ത്ത​രം ജോ​ലി​ക​ളി​ൽ ഏ​ർ​പ്പെ​ടു​ന്ന​വ​ർ സു​ര​ക്ഷാ ഉ​പാ​ധി​ക​ൾ നി​ർ​ബ​ന്ധ​മാ​യും ധ​രി​ക്ക​ണം. പ​നി ല​ക്ഷ​ണ​ങ്ങ​ൾ ക​ണ്ടാ​ൽ സ്വ​യം​ ചി​കി​ത്സി​ക്കാ​തെ തു​ട​ക്ക​ത്തി​ൽ​ത​ന്നെ ഡോ​ക്ട​റു​ടെ സ​ഹാ​യം തേ​ട​ണ​മെ​ന്നും ആ​രോ​ഗ്യ വ​കു​പ്പ്​ അ​ധി​കൃ​ത​ർ വ്യ​ക്ത​മാ​ക്കു​ന്നു.