കൊ​ച്ചി: ആ​രോ​ഗ്യ​മേ​ഖ​ല​യി​ലെ മി​ക​വാ​ർ​ന്ന പ്ര​വ​ർ​ത്ത​നം ക​ണ​ക്കി​ലെ​ടു​ത്ത് ആ​രോ​ഗ്യ​വ​കു​പ്പ് ന​ൽ​കു​ന്ന സം​സ്ഥാ​ന​ത​ല പു​ര​സ്കാ​ര​ങ്ങ​ൾ​ക്ക് ജി​ല്ല​യി​ലെ ത​ദ്ദേ​ശ-​ആ​രോ​ഗ്യ​സ്ഥാ​പ​ന​ങ്ങ​ൾ അ​ർ​ഹ​രാ​യി. ആ​ർ​ദ്ര കേ​ര​ളം പു​ര​സ്കാ​ര​ത്തി​ൽ സം​സ്ഥാ​ന​ത​ല​ത്തി​ൽ ഒ​ന്നാ​മ​തെ​ത്തി എ​റ​ണാ​കു​ളം ജി​ല്ല പ​ഞ്ചാ​യ​ത്തും മ​ണീ​ട് ഗ്രാ​മ​പ​ഞ്ചാ​യ​ത്തും ജി​ല്ല​ക്ക് ഇ​ര​ട്ടി മ​ധു​രം സ​മ്മാ​നി​ച്ചു.

ന​ഗ​ര​സ​ഭ​ക​ളു​ടെ വി​ഭാ​ഗ​ത്തി​ൽ സം​സ്ഥാ​ന​ത​ല​ത്തി​ൽ ഏ​ലൂ​ർ ര​ണ്ടാം സ്ഥാ​ന​വും മൂ​വാ​റ്റു​പു​ഴ മൂ​ന്നാം സ്ഥാ​ന​വും നേ​ടി. ജി​ല്ല ത​ല​ത്തി​ൽ രാ​യ​മം​ഗ​ലം, കാ​ല​ടി, കോ​ട്ട​പ്പ​ടി എ​ന്നി​വ യ​ഥാ​ക്ര​മം ആ​ദ്യ​മൂ​ന്ന് സ്ഥാ​നം നേ​ടി. ആ​രോ​ഗ്യ​സ്ഥാ​പ​ന​ങ്ങ​ളി​ലെ ശു​ചി​ത്വം, മാ​ലി​ന്യ പ​രി​പാ​ല​നം, അ​ണു​ബാ​ധ നി​യ​ന്ത്ര​ണം എ​ന്നി​വ വി​ല​യി​രു​ത്തി സം​സ്ഥാ​ന​ത​ല​ത്തി​ൽ ന​ൽ​കു​ന്ന കാ​യ​ക​ൽ​പ് പു​ര​സ്കാ​ര​ത്തി​ൽ ആ​ലു​വ ജി​ല്ല ആ​ശു​പ​ത്രി, കോ​ത​മം​ഗ​ലം താ​ലൂ​ക്ക്​ ആ​ശു​പ​ത്രി, ക​ട​യി​രു​പ്പ് സാ​മൂ​ഹി​ക ആ​രോ​ഗ്യ​കേ​ന്ദ്രം, ത​മ്മ​നം അ​ർ​ബ​ൻ ഹെ​ൽ​ത്ത് സെൻറ​ർ എ​ന്നി​വ​യും പു​ര​സ്കാ​ര പ​ട്ടി​ക​യി​ലി​ടം പി​ടി​ച്ചു.

ജില്ല പഞ്ചായത്തിന് ആർദ്ര കേരള പുരസ്കാരം

കാ​ക്ക​നാ​ട്: ആ​ർ​ദ്ര കേ​ര​ള പു​ര​സ്കാ​രം ഒ​ന്നാം സ്ഥാ​നം എ​റ​ണാ​കു​ളം ജി​ല്ല പ​ഞ്ചാ​യ​ത്തി​ന്. 2022-23 സാ​മ്പ​ത്തി​ക വ​ർ​ഷം ആ​രോ​ഗ്യ മേ​ഖ​ല​ക​ളി​ൽ ന​ട​ത്തി​യ മി​ക​ച്ച പ്ര​വ​ർ​ത്ത​ന​ങ്ങ​ൾ​ക്കു​ള്ള അം​ഗീ​കാ​ര​മാ​യാ​ണ് പു​ര​സ്കാ​രം.

ജി​ല്ല പ​ഞ്ചാ​യ​ത്ത് 2022-23 സാ​മ്പ​ത്തി​ക വ​ർ​ഷം ആ​രോ​ഗ്യ​മേ​ഖ​ല​യി​ൽ 7.25 കോ​ടി ചെ​ല​വ​ഴി​ച്ച് നി​ര​വ​ധി പ​ദ്ധ​തി​ക​ളാ​ണ് ന​ട​പ്പാ​ക്കി​യ​ത്. ജി​ല്ല പ​ഞ്ചാ​യ​ത്തി​ന്റെ കീ​ഴി​ലു​ള്ള മൂ​ന്ന് ജി​ല്ല ആ​ശു​പ​ത്രി​വ​ഴി സ്നേ​ഹ​സ്പ​ന്ദ​നം എ​ന്ന പേ​രി​ൽ പാ​ലി​യേ​റ്റി​വ് കെ​യ​ർ പ​ദ്ധ​തി ന​ട​പ്പാ​ക്കി. കാ​രു​ണ്യ​സ്പ​ർ​ശം – ഡ​യാ​ലി​സി​സ് തു​ട​ർ​ചി​കി​ത്സ സ​ഹാ​യ​പ​ദ്ധ​തി ന​ട​പ്പാ​ക്കി. ‘അ​ർ​ബു​ദ വി​മു​ക്ത എ​റ​ണാ​കു​ളം’ പ​ദ്ധ​തി ന​ട​പ്പാ​ക്കി​യ​ത്​ അ​ർ​ബു​ദം മു​ൻ​കൂ​ട്ടി ക​ണ്ടു​പി​ടി​ക്കു​ന്ന​തി​ന് സ​ഹാ​യ​ക​മാ​യി.

മാ​തൃ​വ​ന്ദ​നം, കു​ട്ട​മ്പു​ഴ പ​ഞ്ചാ​യ​ത്തി​ലെ തെ​ര​ഞ്ഞെ​ടു​ത്ത കോ​ള​നി​ക​ളി​ലെ 200 പ​ട്ടി​ക​വ​ർ​ഗ കു​ട്ടി​ക​ളു​ടെ ആ​രോ​ഗ്യ​പ്ര​ശ്ന​ങ്ങ​ൾ നേ​ര​ത്തെ ക​ണ്ടെ​ത്തി പ​രി​ഹാ​രം നി​ർ​ദേ​ശി​ക്കു​ക​യും തു​ട​ർ​ന​ട​പ​ടി സ്വീ​ക​രി​ക്കു​ക​യും ചെ​യ്യു​ന്ന​തി​ന് ത​യാ​റാ​ക്കി​യ ഉ​ണ്ണി​ക്കൊ​രു​മു​ത്തം തു​ട​ങ്ങി​യ പ​ദ്ധ​തി​ക​ളാ​ണ് അ​വാ​ർ​ഡി​ന് പ​രി​ഗ​ണി​ച്ച​തെ​ന്ന്​ ജി​ല്ല പ​ഞ്ചാ​യ​ത്ത് പ്ര​സി​ഡ​ന്റ് മ​നോ​ജ് മൂ​ത്തേ​ട​ൻ പ​റ​ഞ്ഞു.

കോതമംഗലം താലൂക്ക് ആശുപത്രിക്ക് കായകൽപ്​ അവാർഡ്

കോ​ത​മം​ഗ​ലം: സ​ര്‍ക്കാ​ര്‍ ആ​രോ​ഗ്യ​സ്ഥാ​പ​ന​ങ്ങ​ളി​ലെ ശു​ചി​ത്വം, മാ​ലി​ന്യ പ​രി​പാ​ല​നം, അ​ണു​ബാ​ധ നി​യ​ന്ത്ര​ണം എ​ന്നി​വ വി​ല​യി​രു​ത്തി പ്രോ​ത്സാ​ഹി​പ്പി​ക്കു​ന്ന​തി​ന് സ​ര്‍ക്കാ​ര്‍ ആ​വി​ഷ്‌​ക​രി​ച്ച കാ​യ​ക​ൽ​പം ക​മ​ന്‍ഡേ​ഷ​ന്‍ അ​വാ​ര്‍ഡ് കോ​ത​മം​ഗ​ലം താ​ലൂ​ക്ക് ഹെ​ഡ്ക്വാ​ര്‍ട്ടേ​ഴ്സ് ആ​ശു​പ​ത്രി​ക്ക്. സ​ബ് ജി​ല്ല​ത​ല​ത്തി​ല്‍ 70 ശ​ത​മാ​ന​ത്തി​ല്‍ കൂ​ടു​ത​ല്‍ മാ​ര്‍ക്ക് നേ​ടി​യ 10 ആ​ശു​പ​ത്രി​ക്ക്​ ഒ​രു ല​ക്ഷം രൂ​പ വീ​തം അ​വാ​ര്‍ഡ് തു​ക ല​ഭി​ക്കും. 81.18 ശ​ത​മാ​നം നേ​ടി​യാ​ണ് കോ​ത​മം​ഗ​ലം ആ​ശു​പ​ത്രി അ​വാ​ർ​ഡി​ന് അ​ർ​ഹ​മാ​യ​ത്.

ആ​ശു​പ​ത്രി​ക​ളി​ല്‍ ജി​ല്ല​ത​ല പ​രി​ശോ​ധ​ന​യും പി​ന്നീ​ട് സം​സ്ഥാ​ന​ത​ല പ​രി​ശോ​ധ​ന​യും ന​ട​ത്തി അ​വാ​ര്‍ഡ് നി​ര്‍ണ​യ ക​മ്മി​റ്റി​യാ​ണ് ആ​ശു​പ​ത്രി​ക​ളെ തെ​ര​ഞ്ഞെ​ടു​ത്തി​രി​ക്കു​ന്ന​ത്. രോ​ഗി​ക​ൾ​ക്ക് കാ​ത്തി​രി​പ്പ് മു​റി​ക​ൾ, ഒ.​പി ര​ജി​സ്ട്രേ​ഷ​ൻ കൗ​ണ്ട​ർ, രോ​ഗീ​സൗ​ഹൃ​ദ ശു​ചി​മു​റി​ക​ൾ, പ​രി​ശോ​ധ​ന മു​റി​ക​ൾ, ലാ​ബ്​ ന​വീ​ക​ര​ണം തു​ട​ങ്ങി​യ​വ ന​ട​പ്പാ​ക്കി​യ​തി​ലൂ​ടെ​യാ​ണ് അ​വാ​ർ​ഡി​ന് അ​ർ​ഹ​മാ​യ​തെ​ന്ന് ആ​ശു​പ​ത്രി സൂ​പ്ര​ണ്ട് ഡോ. ​സാം പോ​ൾ പ​റ​ഞ്ഞു.