ചാ​ല​ക്കു​ടി: വൈ​ദ്യ​ഭൂ​ഷ​ണം കെ. ​രാ​ഘ​വ​ൻ തി​രു​മു​ൽ​പ്പാ​ടി​ന്റെ പേ​രി​ൽ ചാ​ല​ക്കു​ടി​യി​ൽ നി​ർ​മി​ക്കു​ന്ന ആ​യു​ഷ് ആ​യു​ർ​വേ​ദ ആ​ശു​പ​ത്രി കെ​ട്ടി​ടം നി​ർ​മാ​ണം അ​വ​സാ​ന​ഘ​ട്ട​ത്തി​ൽ. ദേ​ശീ​യ​പാ​ത​യോ​ര​ത്ത് കോ​സ്മോ​സ് ക്ല​ബി​ന് സ​മീ​പ​ത്താ​ണ് കെ​ട്ടി​ട​നി​ർ​മാ​ണം. 2020 ന​വം​ബ​ർ മൂ​ന്നി​ന് അ​ന്ന​ത്തെ ആ​രോ​ഗ്യ മ​ന്ത്രി കെ.​കെ. ശൈ​ല​ജ​യാ​ണ് നി​ർ​മാ​ണോ​ദ്ഘാ​ട​നം ന​ട​ത്തി​യ​ത്. ഇ​പ്പോ​ൾ കെ​ട്ടി​ട​ത്തി​ന്റെ ഫ്ലോ​റി​ങ്, പ്ല​മ്പി​ങ്, വ​യ​റി​ങ്, പെ​യി​ന്റി​ങ്, ഫ​യ​ർ ആ​ൻ​ഡ് സേ​ഫ്റ്റി സം​വി​ധാ​നം തു​ട​ങ്ങി​യ ജോ​ലി​ക​ളു​ടെ ഘ​ട്ട​ത്തി​ലാ​ണ് നി​ർ​മാ​ണം എ​ത്തി നി​ൽ​ക്കു​ന്ന​ത്.

ചു​റ്റു​മ​തി​ൽ നി​ർ​മാ​ണ​വും ന​ട​ത്തേ​ണ്ട​തു​ണ്ട്. 50 പേ​ർ​ക്ക് കി​ട​ത്തി​ച്ചി​കി​ത്സ സൗ​ക​ര്യ​മു​ള്ള​താ​ണ് ചാ​ല​ക്കു​ടി​യി​ലെ ആ​യു​ഷ് ആ​ശു​പ​ത്രി. ഇ​വി​ടെ ആ​യു​ർ​വേ​ദ നേ​ത്ര ചി​കി​ത്സ​ക്ക് പ്രാ​ധാ​ന്യം ന​ൽ​കു​ന്ന പ​ഞ്ച​ക​ർ​മ ഉ​ൾ​പ്പെ​ടെ​യു​ള്ള ആ​യു​ർ​വേ​ദ വി​ഭാ​ഗം, യോ​ഗ, പ്ര​കൃ​തി ചി​കി​ത്സ വി​ഭാ​ഗം എ​ന്നി​വ ഉ​ണ്ടാ​കും. ഇ​ത് കേ​ര​ള​ത്തി​ലെ നേ​ത്ര ചി​കി​ത്സ രം​ഗ​ത്ത് മി​ക​ച്ച കേ​ന്ദ്ര​മാ​യി വ​ള​രു​മെ​ന്നാ​ണ് പ്ര​തീ​ക്ഷ. നേ​ത്ര ചി​കി​ത്സ​ക്ക് 30 കി​ട​ക്ക​ക​ളും ജ​ന​റ​ൽ വി​ഭാ​ഗ​ത്തി​ന് 10 കി​ട​ക്ക​ക​ളും യോ​ഗ, പ്ര​കൃ​തി ചി​കി​ത്സ വി​ഭാ​ഗ​ത്തി​ന് 10 കി​ട​ക്ക​ക​ളും ഉ​ണ്ടാ​കും.

ചാ​ല​ക്കു​ടി ന​ഗ​ര​സ​ഭ അ​നു​വ​ദി​ച്ച 60 സെ​ന്റ് ഭൂ​മി​യി​ൽ കേ​ന്ദ്ര സ​ർ​ക്കാ​റി​ന്റെ നാ​ഷ​ന​ൽ ആ​യു​ഷ് മി​ഷ​ൻ ഫ​ണ്ടി​ൽ​നി​ന്ന​നു​വ​ദി​ച്ച 11 കോ​ടി രൂ​പ ചെ​ല​വ​ഴി​ച്ചാ​ണ് കെ​ട്ടി​ടം ഒ​രു​ക്കു​ന്ന​ത്. ഭാ​ര​തീ​യ ചി​കി​ത്സ വ​കു​പ്പ് നി​ർ​മി​ക്കു​ന്ന ആ​ശു​പ​ത്രി മ​ന്ദി​ര​ത്തി​നാ​യി അ​ഞ്ചു​സെ​ന്റ് ഭൂ​മി കൂ​ടി ന​ഗ​ര​സ​ഭ അ​നു​വ​ദി​ച്ചി​രു​ന്നു.

കൂ​ടാ​തെ 10 സെ​ന്റ് ഭൂ​മി കൂ​ടി വേ​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്. ഇ​തി​ന് സ്ഥ​ലം ഏ​റ്റെ​ടു​ക്കാ​നു​ള്ള ന​ട​പ​ടി​യി​ലാ​ണ്. സൗ​ക​ര്യ​ത്തി​നാ​യി ദേ​ശീ​യ​പാ​ത​യി​ൽ​നി​ന്ന് നേ​രി​ട്ട് പ്ര​വേ​ശ​ന മാ​ർ​ഗം ഒ​രു​ക്ക​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്.