ബം​ഗ​ളൂ​രു: വ​യ​റി​ള​ക്ക​വും നി​ർ​ജ​ലീ​ക​ര​ണ​വും കാ​ര​ണം അ​വ​ശ​രാ​യ 47 മെ​ഡി​ക്ക​ൽ വി​ദ്യാ​ർ​ഥി​നി​ക​ളെ ബം​ഗ​ളൂ​രു വി​ക്ടോ​റി​യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ബം​ഗ​ളൂ​രു മെ​ഡി​ക്ക​ൽ കോ​ള​ജ് ആ​ൻ​ഡ് റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ട് (ബി.​എം.​സി.​ആ​ർ.​ഐ) വി​ദ്യാ​ർ​ഥി​നി​ക​ൾ​ക്ക് വെ​ള്ളി​യാ​ഴ്ച രാ​ത്രി​യാ​ണ് അ​സ്വ​സ്ഥ​ത അ​നു​ഭ​വ​പ്പെ​ട്ട​തെ​ന്ന് കോ​ള​ജ് ഡീ​നും ഡ​യ​റ​ക്ട​റു​മാ​യ ഡോ. ​ര​മേ​ശ് കൃ​ഷ്ണ ശ​നി​യാ​ഴ്ച പ​റ​ഞ്ഞു. കോ​ള​ജ് ഹോ​സ്റ്റ​ലി​ൽ താ​മ​സി​ക്കു​ന്ന​വ​ർ​ക്കാ​ണ് അ​സു​ഖ​ബാ​ധ​യു​ണ്ടാ​യ​ത്. 28 പേ​ർ ട്രോ​മ കെ​യ​റി​ൽ ക​ഴി​യു​ക​യാ​ണ്. 13 പേ​ർ എ​ച്ച് ബ്ലോ​ക്കി​ലു​ണ്ട്. മൂ​ന്ന് വി​ദ്യാ​ർ​ഥി​നി​ക​ൾ തീ​വ്ര പ​രി​ച​ര​ണ വി​ഭാ​ഗ​ത്തി​ലാ​ണു​ള്ള​ത്.

സാ​മ്പി​ളു​ക​ൾ രാ​സ​പ​രി​ശോ​ധ​ന​ക്ക് അ​യ​ച്ച​താ​യി ആ​ശു​പ​ത്രി അ​ധി​കൃ​ത​ർ പ​റ​ഞ്ഞു. റി​പ്പോ​ർ​ട്ട് ല​ഭി​ച്ചാ​ൽ മാ​ത്ര​മേ യ​ഥാ​ർ​ഥ രോ​ഗം നി​ർ​ണ​യി​ക്കാ​നാ​വൂ. ഛർ​ദി-​അ​തി​സാ​ര ചി​കി​ത്സ​യാ​ണ് ന​ൽ​കു​ന്ന​ത്. എ​ന്നാ​ൽ, കോ​ള​റ രോ​ഗം സം​ശ​യി​ക്കു​ന്നു​ണ്ട്.ക​ർ​ണാ​ട​ക​യി​ൽ ഈ ​വ​ർ​ഷം ആ​റ് കോ​ള​റ കേ​സു​ക​ൾ സ്ഥി​രീ​ക​രി​ച്ച​താ​യി ആ​രോ​ഗ്യ വ​കു​പ്പ് അ​ധി​കൃ​ത​ർ പ​റ​ഞ്ഞു. ഇ​തി​ൽ അ​ഞ്ച് എ​ണ്ണ​വും ക​ഴി​ഞ്ഞ മാ​സ​മാ​ണ് റി​പ്പോ​ർ​ട്ട് ചെ​യ്ത​ത്. ക​ർ​ണാ​ട​ക, വി​ശി​ഷ്യാ ബം​ഗ​ളൂ​രു ന​ഗ​രം അ​നു​ഭ​വി​ക്കു​ന്ന ക​ടു​ത്ത ജ​ല​ക്ഷാ​മ​വും മ​ലി​ന​ജ​ലം വ​രെ ആ​ശ്ര​യി​ക്കേ​ണ്ടി​വ​രു​ന്ന സാ​ഹ​ച​ര്യ​വും കോ​ള​റ ഭീ​തി ഉ​യ​ർ​ത്തു​ക​യാ​ണ്. എ​ന്നാ​ൽ, കോ​ള​റ പ​ട​രു​ന്ന​ത് സം​ബ​ന്ധി​ച്ച് ഔ​ദ്യോ​ഗി​ക പ്ര​ഖ്യാ​പ​ന​മാ​യി​ട്ടി​ല്ലെ​ന്ന് ആ​രോ​ഗ്യ വ​കു​പ്പ് അ​റി​യി​ച്ചു.