കാരുണ്യ ആരോഗ്യ സുരക്ഷാ പദ്ധതിക്ക്‌ 300 കോടി കൂടി

തി​രു​വ​ന​ന്ത​പു​രം: കാ​രു​ണ്യ ആ​രോ​ഗ്യ സു​ര​ക്ഷാ പ​ദ്ധ​തി​ക്ക്‌ (കാ​സ്‌​പ്‌) 300 കോ​ടി രൂ​പ കൂ​ടി ധ​ന​വ​കു​പ്പ്​ അ​നു​വ​ദി​ച്ചു. ഈ ​സാ​മ്പ​ത്തി​ക വ​ർ​ഷം ഇ​തു​വ​രെ 978.54 കോ​ടി രൂ​പ​യാ​ണ്‌ പ​ദ്ധ​തി​ക്കാ​യി ന​ൽ​കി​യ​ത്‌. ബ​ജ​റ്റി​ലെ വ​ക​യി​രു​ത്ത​ൽ 679 കോ​ടി​യും അ​ടു​ത്ത സാ​മ്പ​ത്തി​ക വ​ർ​ഷ​ത്തേ​ക്കു​ള്ള ബ​ജ​റ്റി​ൽ 700 കോ​ടി രൂ​പ​യും വ​കി​യി​രു​ത്തി​യി​ട്ടു​ണ്ട്‌. അ​തേ​സ​മ​യം കാ​രു​ണ്യ പ​ദ്ധ​തി വ​ഴി സൗ​ജ​ന്യ ചി​കി​ത്സ ന​ൽ​കി​യ ഇ​ന​ത്തി​ൽ 1128.69 കോ​ടി രൂ​പ​യാ​ണ്​ സ​ർ​ക്കാ​ർ ആ​ശു​പ​ത്രി​ക​ൾ​ക്ക്​ മാ​ത്രം ന​ൽ​കാ​നു​ള്ള​ത്. സ്വ​കാ​ര്യ ആ​ശു​പ​ത്രി​ക​ൾ​ക്കു​ള്ള കു​ടി​ശ്ശി​ക 269 കോ​ടി​യും. ഇ​പ്പോ​ൾ അ​നു​വ​ദി​ച്ച 300 കോ​ടി കൊ​ണ്ട്​ 30 ശ​ത​മാ​നം കു​ടി​ശ്ശി​ക തീ​ർ​ക്കാ​ൻ ​പോ​ലും ക​ഴി​യി​ല്ലെ​ന്ന​താ​ണ്​ സ്ഥി​തി.

ആ​ശു​പ​ത്രി വി​ക​സ​ന ഫ​ണ്ടി​ൽ നി​ന്ന​ട​ക്കം തു​ക ചെ​ല​വ​ഴി​ച്ച്​ വാ​ങ്ങി​യ മ​രു​ന്നു​ക​ൾ​ക്കു​ള്ള കോ​ടി​ക​ളു​ടെ കു​ടി​ശ്ശി​ക സ​ർ​ക്കാ​ർ തി​രി​ച്ച​ട​ക്കാ​നു​ണ്ട്. സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ​ക്ക്​ ഉ​യ​ർ​ന്ന നി​ര​ക്കാ​യ​തി​നാ​ൽ സ​ർ​ക്കാ​ർ ആ​ശു​പ​ത്രി​ക​ളി​​ലെ​ത്തു​ന്ന​വ​രു​ടെ എ​ണ്ണം വ​ർ​ധി​ച്ചെ​ന്നാ​ണ്​ ആ​രോ​ഗ്യ​വ​കു​പ്പി​ന്‍റെ ത​ന്നെ ക​ണ​ക്ക്.

കു​ടും​ബ​ത്തി​ന്‌ പ്ര​തി​വ​ർ​ഷം അ​ഞ്ചു​ല​ക്ഷം രൂ​പ​വ​രെ സൗ​ജ​ന്യ ചി​കി​ത്സ ഉ​റ​പ്പാ​ക്കു​ന്ന കാ​സ്‌​പി​ൽ ദ​രി​ദ്ര​രും ദു​ർ​ബ​ല​രു​മാ​യ 41.99 ല​ക്ഷം കു​ടും​ബ​ങ്ങ​ൾ​ക്കാ​ണ്‌ സൗ​ജ​ന്യ ചി​കി​ത്സ ഉ​റ​പ്പാ​ക്കു​ന്ന​ത്‌. സ്‌​റ്റേ​റ്റ്‌ ഹെ​ൽ​ത്ത്‌ ഏ​ജ​ൻ​സി​ക്കാ​ണ്‌ ന​ട​ത്തി​പ്പ്‌ ചു​മ​ത​ല. 1050 രൂ​പ​യാ​ണ്​ ഒ​രു കു​ടും​ബ​ത്തി​ന്റെ വാ​ർ​ഷി​ക പ്രീ​മി​യ​മാ​യി നി​ശ്ച​യി​ച്ചി​ട്ടു​ള്ള​ത്‌.

18.02 ല​ക്ഷം കു​ടും​ബ​ത്തി​ന്റെ പ്രീ​മി​യം പൂ​ർ​ണ​മാ​യും സം​സ്ഥാ​ന​മാ​ണ്​ വ​ഹി​ക്കു​ന്ന​ത്. 23.97 ല​ക്ഷം കു​ടും​ബ​ത്തി​ന്റെ വാ​ർ​ഷി​ക പ്രീ​മി​യ​ത്തി​ൽ 418.80 രൂ​പ​യും സം​സ്ഥാ​നം വ​ഹി​ക്കു​ന്നു. ഇ​ത്ര​യും കു​ടും​ബ​ത്തി​ന്റെ പ്രീ​മി​യ​ത്തി​ന്റെ ബാ​ക്കി ഭാ​ഗ​മാ​ണ്‌ കേ​ന്ദ്ര​വി​ഹി​ത​മു​ള്ള​ത്‌.�