ന​ട്ടെ​ല്ലി​ന്റെ വൈ​ക​ല്യ​ങ്ങ​ൾ നേ​ര​ത്തേ ക​ണ്ടെ​ത്തി ചി​കി​ത്സി​ക്കാം

ആ​രോ​ഗ്യ​മു​ള്ള ഒ​രു വ്യ​ക്തി​യു​ടെ ന​ട്ടെ​ല്ല്​ സ്വാ​ഭാ​വി​ക​മാ​യും നീ​ണ്ടു​നി​വ​ർ​ന്ന രൂ​പ​ത്തി​ലാ​യി​രി​ക്കും കാ​ണ​പ്പെ​ടു​ക. നേ​രി​യ തോ​തി​ലു​ള്ള വ​ള​വു​ക​ൾ ചി​ല​രി​ൽ ക​ണ്ടേ​ക്കാം. എ​ന്നാ​ൽ, അ​ത്​ ദൈ​നം​ദി​ന ജീ​വി​ത​ത്തെ ബാ​ധി​ക്കു​ക​യോ മ​റ്റ്​ ആ​രോ​ഗ്യ​പ്ര​ശ്ന​ങ്ങ​ൾ സൃ​ഷ്ടി​ക്കു​ക​യോ ചെ​യ്യാ​റി​ല്ല. അ​തേ​സ​മ​യം, ന​ട്ടെ​ല്ലി​ന്​ 10 ഡി​ഗ്രി​യി​ല​ധി​കം വ​ള​വ്​ കാ​ണ​പ്പെ​ടു​ക​യാ​ണെ​ങ്കി​ൽ അ​ത് ചി​കി​ത്സ തേ​​ടേ​ണ്ട അ​വ​സ്ഥ​യാ​യി പ​രി​ഗ​ണി​ക്കേ​ണ്ട​തു​ണ്ട്. വൈ​ദ്യ​ശാ​സ്​​ത്രം ഈ ​അ​വ​സ്ഥ​യെ ‘സ്കോ​ളി​യോ​സി​സ്​’ (Scoliosis) എ​ന്ന്​ വി​ളി​ക്കു​ന്നു. ഒ​രു വ്യ​ക്തി​യു​ടെ പി​റ​ക്​ ഭാ​ഗ​ത്തു​നി​ന്ന്​ നോ​ക്കു​മ്പോ​ൾ ‘സ്കോ​ളി​യോ​സി​സ്​’ ഉ​ള്ള ഒ​രു വ്യ​ക്തി​ക്ക് ഇം​ഗ്ലീ​ഷ്​ അ​ക്ഷ​ര​ങ്ങ​ളാ​യ ‘S’ അ​ല്ലെ​ങ്കി​ൽ ‘C’ പോ​ലെ​യു​ള്ള വ​ള​വാ​ണ്​ കാ​ണ​പ്പെ​ടു​ക. ചി​ല​രി​ൽ ഒ​ന്നി​ല​ധി​കം വ​ള​വു​ക​ളും ക​ണ്ടെ​ത്താ​റു​ണ്ട്. ഈ ​അ​വ​സ്ഥ എ​ല്ലാ പ്രാ​യ​ത്തി​ലു​മു​ള്ള വ്യ​ക്തി​ക​ളെ ബാ​ധി​ക്കു​മെ​ങ്കി​ലും കൗ​മാ​ര​ക്കാ​രി​ലാ​ണ്​ സാ​ധാ​ര​ണ കൂ​ടു​ത​ലാ​യി ക​ണ്ടെ​ത്തു​ന്ന​ത്.

ആ​രോ​ഗ്യ പ്ര​ശ്ന​ങ്ങ​ളെ അ​പേ​ക്ഷി​ച്ച്​ ‘സ്കോ​ളി​യോ​സി​സ്​’ സൃ​ഷ്ടി​ക്കു​ന്ന പ്ര​ധാ​ന പ്ര​ശ്നം ശാ​രീ​രി​ക സൗ​ന്ദ​ര്യ​വു​മാ​യി ബ​ന്ധ​പ്പെ​ട്ട​താ​ണ്. അ​താ​ക​ട്ടെ ഒ​​​രേ നി​ര​യി​ല​ല്ലാ​തെ കാ​ണ​പ്പെ​ടു​ന്ന തോ​ളു​ക​ൾ, സ്​​ത്രീ​ക​ളി​ലാ​ണെ​ങ്കി​ൽ താ​ഴ്ന്നും ഉ​യ​ർ​ന്നും കാ​ണു​ന്ന മാ​റി​ട​ങ്ങ​ൾ, ന​ട​ക്കു​മ്പോ​ഴു​ള്ള ച​രി​വ്​ തു​ട​ങ്ങി​യ​വ​യാ​ണ്. ശ​രീ​ര​ത്തി​ന്‍റെ സൗ​ന്ദ​ര്യം വ്യ​ക്തി​ത്വ​ത്തെ സ്വാ​ധീ​നി​ക്കു​ന്ന​തി​നാ​ൽ, സ്​​കോ​ളി​യോ​സി​സ്​ പ​ല​രി​ലും ക​ടു​ത്ത മാ​ന​സി​ക സ​മ്മ​ർ​ദ​ത്തി​നും വി​ഷാ​ദ​ത്തി​നും അ​പ​ക​ർ​ഷ​ബോ​ധ​ത്തി​നും കാ​ര​ണ​മാ​വും. എ​ന്നാ​ൽ, ഈ ​വ​ള​വ്​ 40-50 ഡി​ഗ്രി​യി​ൽ അ​ധി​ക​മാ​കു​ക​യാ​ണെ​ങ്കി​ൽ മ​റ്റ്​ ആ​രോ​ഗ്യ​പ്ര​ശ്ന​ങ്ങ​ളി​ലേ​ക്കും ന​യി​ക്കാ​റു​ണ്ട്​.

ശാ​രീ​രി​ക പ്ര​ശ്ന​ങ്ങ​ൾ

1. ശ്വാ​സ​കോ​ശ​ത്തി​ന്‍റെ പ്ര​വ​ർ​ത്ത​ന​ക്ഷ​മ​ത കു​റ​യു​ന്നു: നെ​ഞ്ചി​ന്‍റെ പി​ൻ​ഭാ​ഗ​ത്തു​ള്ള ന​ട്ടെ​ല്ലി​ലെ വ​ള​വു​ക​ൾ വാ​രി​യെ​ല്ലു​ക​ളു​ടെ സ്ഥാ​നം​തെ​റ്റ​ലി​ന്​ കാ​ര​ണ​മാ​വു​ക​യും തു​ട​ർ​ന്ന്​ ശ്വാ​സ​കോ​ശ​ത്തി​ന് വി​ക​സി​ക്കാ​നു​ള്ള ഇ​ടം കു​റ​യു​ക​യും ചെ​യ്യു​ന്നു. തു​ട​ർ​ന്ന്​ അ​ത്​​ ശ്വ​സ​ന ബു​ദ്ധി​മു​ട്ടു​ക​ൾ സൃ​ഷ്ടി​ക്കു​ന്നു. ഇ​തി​നെ ‘തൊ​റാ​സി​ക്​ ഇ​ൻ​സ​ഫി​ഷ്യ​ൻ​സി സി​ൻ​ഡ്രോം’ (Thoracic Insufficiency Syndrome –TIS) എ​ന്നാ​ണ്​ വി​ശേ​ഷി​പ്പി​ക്കു​ന്ന​ത്.

2. ഹൃ​ദ​യ​സം​ബ​ന്ധ​മാ​യ പ്ര​ശ്ന​ങ്ങ​ൾ: ​ന​ട്ടെ​ല്ലി​നു​ണ്ടാ​വു​ന്ന വ​ള​വ്​ വാ​രി​യെ​ല്ലു​ക​ളു​ടെ ഘ​ട​ന​യെ ബാ​ധി​ക്കു​ക​യും ഹൃ​ദ​യ​ത്തി​ൽ കൂ​ടു​ത​ൽ സ​മ്മ​ർ​ദ​മു​ണ്ടാ​ക്കു​ക​യും ചെ​യ്യു​ന്നു. ഇ​തു​മൂ​ലം ഹൃ​ദ​യ​ത്തി​ന്​ ര​ക്തം കാ​ര്യ​ക്ഷ​മ​മാ​യി പ​മ്പ് ചെ​യ്യാ​ൻ ക​ഴി​യാ​തെ വ​രുക​യും ഹൃ​ദ​യ​മി​ടി​പ്പി​ന്‍റെ താ​ളം തെ​റ്റു​ക​യും ചെ​യ്യും. ഹൃ​ദ​യ​ത്തി​ന്​ ചു​റ്റി​ലു​മു​ള്ള ഭാ​ഗ​ത്തു​ണ്ടാ​വു​ന്ന സ​ങ്കോ​ചം​മൂ​ലം ചി​ല​രി​ൽ നെ​ഞ്ചു​വേ​ദ​ന​യും അ​നു​ഭ​വ​പ്പെ​ടാം.

3. നാ​ഡി​ക​ളെ ബാ​ധി​ക്കു​മ്പോ​ൾ: ന​ട്ടെ​ല്ലി​ന്‍റെ വ​ള​വു​ക​ൾ ശ​രീ​ര​ത്തി​ന്‍റെ ചി​ല ഭാ​ഗ​ങ്ങ​ളി​ലേ​ക്കു​ള്ള ഞ​ര​മ്പു​ക​ളി​ൽ ഞെ​രു​ക്ക​മു​ണ്ടാ​ക്കു​ക​യും ചെ​യ്യാ​റു​ണ്ട്. ഇ​തു​മൂ​ലം കാ​ലു​ക​ളി​ലോ കൈ​ക​ളി​ലോ മ​ര​വി​പ്പ്, ബ​ല​ഹീ​ന​ത എ​ന്നി​വ അ​നു​ഭ​വ​പ്പെ​ടാം. അ​പൂ​ർ​വ സ​ന്ദ​ർ​ഭ​ങ്ങ​ളി​ൽ, ഇ​ത് ഗു​രു​ത​ര​മാ​യ മ​റ്റ്​ ന്യൂ​റോ​ള​ജി​ക്ക​ൽ പ്ര​ശ്ന​ങ്ങ​ൾ​ക്ക് കാ​ര​ണ​മാ​കു​ക​യും ച​ല​ന​പ്ര​ശ്ന​ങ്ങ​ൾ ഉ​ണ്ടാ​വു​ക​യും ചെ​യ്യും.

4. ശ​രീ​ര​വേ​ദ​ന​ക​ൾ: ന​ട്ടെ​ല്ലി​ന്‍റെ വ​ള​വ്​ മൂ​ല​മു​ണ്ടാ​വു​ന്ന ശ​രീ​ര​ത്തി​ന്‍റെ അ​സ​ന്തു​ലി​താ​വ​സ്ഥ​യും ഒ​രു​ഭാ​ഗ​ത്തേ​ക്ക്​ സ​മ്മ​ർ​ദം സൃ​ഷ്ടി​ച്ചു​കൊ​ണ്ടു​ള്ള ന​ട​പ്പും സ്ഥി​ര​മാ​യ ന​ടു​വേ​ദ​ന, ക​ഴു​ത്ത്​ വേ​ദ​ന, തോ​ളെ​ല്ല്​ വേ​ദ​ന എ​ന്നി​വ​ക്ക് കാ​ര​ണ​മാ​കും. കൂ​ടാ​തെ പേ​ശി​ക​ളി​ലും സ​ന്ധി​ക​ളി​ലും വേ​ദ​ന അ​നു​ഭ​വ​പ്പെ​ടാം.

5. ദ​ഹ​ന​സം​ബ​ന്ധ​മാ​യ പ്ര​ശ്ന​ങ്ങ​ൾ: ന​ട്ടെ​ല്ലി​നു​ണ്ടാ​വു​ന്ന ഈ ​അ​വ​സ്ഥ​മൂ​ലം ചി​ല​രി​ൽ വ​യ​റി​നു​ള്ളി​ലെ അ​വ​യ​വ​ങ്ങ​ളെ ഞെ​രു​ക്കു​ക​യും ദ​ഹ​ന​പ്ര​ശ്ന​ങ്ങ​ളി​ലേ​ക്ക്​ ന​യി​ക്കു​ക​യും ചെ​യ്യും.

6. ശാ​രീ​രി​ക ക്ഷീ​ണം: ന​ട്ടെ​ല്ലി​ന്‍റെ വ​ള​വ്​ സൃ​ഷ്ടി​ക്കു​ന്ന അ​സ​ന്തു​ലി​താ​വ​സ്ഥ കാ​ര​ണം സ​ദാ​സ​മ​യ​വും ശ​രീ​രം സ​ന്തു​ലനാ​വ​സ്ഥ നി​ല​നി​ർ​ത്താ​ൻ ശ്ര​മി​ച്ചു​കൊ​ണ്ടി​രി​ക്കു​ക​യും അ​തു​വ​ഴി കൂ​ടു​ത​ൽ ഊ​ർ​ജം ന​ഷ്ട​മാ​വു​ക​യും ശ​രീ​ര​ത്തി​ന്​ ഇ​ട​ക്കി​ടെ ക്ഷീ​ണം അ​നു​ഭ​വ​പ്പെ​ടു​ക​യും ചെ​യ്യും. പ്ര​ത്യേ​കി​ച്ച് ദീ​ർ​ഘ​നേ​രം നി​ൽ​ക്കു​ക​യോ ന​ട​ക്കു​ക​യോ ചെ​യ്യു​മ്പോ​ൾ.

പ്രാ​ഥ​മി​ക​മാ​യി ഒ​രു ശാ​രീ​രി​ക അ​വ​സ്ഥ​യാ​ണെ​ങ്കി​ലും സ്കോ​ളി​യോ​സി​സ്​ സൃ​ഷ്ടി​ക്കു​ന്ന മാ​ന​സി​ക ആ​ഘാ​തം പ​രി​ഹ​രി​ക്കു​ക എ​ന്ന​ത്​ ചി​കി​ത്സാ പ​ദ്ധ​തി​ക​ളി​ൽ ഉ​ൾ​പ്പെ​ടു​ന്ന ഒ​രു വി​ഷ​യ​മാ​ണ്.

നേ​ര​ത്തേ ക​ണ്ടെ​ത്തി ചി​കി​ത്സി​ക്കാം

സ്കോ​ളി​യോ​സി​സി​നു​ള്ള ചി​കി​ത്സ ന​ട്ടെ​ല്ലി​ന്‍റെ വ​ള​വി​ന്‍റെ തീ​വ്ര​ത, വ്യ​ക്തി​യു​ടെ പ്രാ​യം, രോ​ഗ​ത്തി​ന്‍റെ അ​ടി​സ്ഥാ​ന കാ​ര​ണം എ​ന്നി​വ​യെ ആ​ശ്ര​യി​ച്ചി​രി​ക്കു​ന്നു. ജ​ന്മ​നാ ഉ​ണ്ടാ​വു​ന്ന ക​ൻ​ജെ​നി​റ്റ​ൽ സ്കോ​ളി​യോ​സി​സ് നേ​ര​ത്തേ​ത​ന്നെ ക​ണ്ടെ​ത്തി ചി​കി​ത്സി​ക്കേ​ണ്ട​താ​ണ്.

മി​ത​മാ​യ വ​ള​വു​ക​ളു​ള്ള (55 മു​ത​ൽ 45 ഡി​ഗ്രി വ​രെ) കൗ​മാ​ര​ക്കാ​രി​ൽ, വൈ​ക​ല്യം ക​ണ്ടെ​ത്തി​യാ​ലു​ട​ൻ സാ​ധാ​ര​ണ​യാ​യി ബ്രേ​സി​ങ്​ (Bracing) എ​ന്ന ചി​കി​ത്സാ​രീ​തി​യാ​ണ്​ നി​ർ​ദേ​ശി​ക്കു​ക. നി​ല​വി​ലു​ള്ള അ​വ​സ്ഥ കൂ​ടു​ത​ൽ രൂ​ക്ഷ​മാ​വാ​തെ ത​ട​യാ​ൻ ഇ​ത്​ സ​ഹാ​യി​ക്കും. ഇ​തി​ന്​ പു​റ​മെ പേ​ശി​ക​ൾ​ക്ക്​ ശ​ക്തി ന​ൽ​കു​ന്ന വ്യാ​യാ​മം പോ​ലു​ള്ള​തും ചി​കി​ത്സ​യു​ടെ ഭാ​ഗ​മാ​ണ്. അ​തേ​സ​മ​യം ഗു​രു​ത​ര​മാ​യ അ​വ​സ്ഥ​ക​ളി​ൽ (50 ഡി​ഗ്രി​യി​ൽ കൂ​ടു​ത​ലു​ള്ള വ​ള​വു​ക​ൾ) സ്‌​പൈ​ന​ൽ ഫ്യൂ​ഷ​ൻ സ​ർ​ജ​റി​പോ​ലു​ള്ള ശ​സ്​​ത്ര​ക്രി​യ​യാ​ണ്​ പ​രി​ഹാ​രം. ശ​സ്​​ത്ര​ക്രി​യ​ക്കു ശേ​ഷം ന​ട്ടെ​ല്ല് നേ​രെ​യാ​ക്കാ​നും ശ​രിയാ​യ രൂ​പ​ത്തി​ൽ നി​ല​നി​ർ​ത്താ​നും സ്റ്റീ​ൽ ക​മ്പി​ക​ളും സ്ക്രൂ​ക​ളും ഉ​പ​യോ​ഗി​ക്കാ​റു​ണ്ട്.മ​റ്റേ​തൊ​രു രോ​ഗ​ത്തെ​യും പോ​ലെ സ്കോ​ളി​യോ​സി​സും നേ​ര​ത്തേ ക​ണ്ടെ​ത്തി ചി​കി​ത്സി​ക്കു​ന്ന​ത്​ സ​ങ്കീ​ർ​ണ​ത​ക​ൾ ഇ​ല്ലാ​താ​ക്കാ​നും കൂ​ടു​ത​ൽ ഫ​ല​പ്രാ​പ്തി നേ​ടാ​നും സ​ഹാ​യി​ക്കും. സ്കൂ​ളു​ക​ൾ കേ​ന്ദ്രീ​ക​രി​ച്ച്​ കു​ട്ടി​ക​ളി​ൽ പ​തി​വാ​യി പ​രി​ശോ​ധ​ന (Screening) ന​ട​ത്തു​ക​വ​ഴി ഇ​ത്​ സാ​ധ്യ​മാ​വും. ഇ​തി​നാ​യി സ്​​കോ​ളി​യോ​​ മീ​റ്റ​ർ (scoliometer) എ​ന്ന ഉ​പ​ക​ര​ണ​മാ​ണ്​ സാ​ധാ​ര​ണ​യാ​യി ഉ​പ​യോ​ഗി​ച്ചു​വ​രു​ന്ന​ത്.

സ്കോ​ളി​യോ​സി​സ് ഉ​ള്ള മി​ക്ക​വ​ർ​ക്കും സാ​ധാ​ര​ണ ജീ​വി​തം ന​യി​ക്കാ​നും എ​ല്ലാ​ത​രം പ്ര​വ​ർ​ത്ത​ന​ങ്ങ​ളി​ലും ഏ​ർ​പ്പെ​ടാ​നും ക​ഴി​യും എ​ന്ന​ത്​ ആ​ശ്വാ​സ​ക​ര​മാ​ണ്. ആ​ധു​നി​ക വൈ​ദ്യ​ശാ​സ്​​ത്ര​രം​ഗ​ത്തു​ണ്ടാ​യി​ട്ടു​ള്ള ക​ണ്ടെ​ത്ത​ലു​ക​ൾ ഈ ​അ​വ​സ്ഥ​യെ ന​ല്ലൊ​രു പ​രി​ധി​വ​രെ പ​രി​ഹ​രി​ക്കാ​ൻ പ​ര്യാ​പ്ത​മാ​ണ്.

രോ​ഗ​മു​ള്ള കു​ട്ടി​ക​ൾ​ക്കും സാ​ധാ​ര​ണ കാ​ര്യ​ങ്ങ​ൾ ചെ​യ്യാ​നാ​വും. എ​ന്നു​മാ​ത്ര​മ​ല്ല അ​വ​രെ അ​ത്ത​രം പ്ര​വ​ർ​ത്ത​ന​ങ്ങ​ളി​ൽ​നി​ന്ന്​ നി​യ​ന്ത്രി​ക്കേ​ണ്ട ആ​വ​ശ്യ​വു​മി​ല്ല. സ്‌​കൂ​ൾ ബാ​ഗു​ക​ൾ പി​റ​കി​ൽ തൂ​ക്കി​യി​ട്ട്​ ന​ട​ക്കു​ന്ന​താ​ണ്​ ‘സ്‌​കോ​ളി​യോ​സി​സ്​’ വ​രാ​ൻ കാ​ര​ണ​മെ​ന്നൊ​രു ധാ​ര​ണ​യും ന​മ്മു​ടെ സ​മൂ​ഹ​ത്തി​ലു​ണ്ട്. ഇ​തും തി​ക​ച്ചും തെ​റ്റാ​ണ്. കൂ​ടാ​തെ പൊ​തു​സ​മൂ​ഹം ഭ​യ​പ്പെ​ടു​ന്ന​തു​പോ​ലെ എ​ല്ലാ സാ​ഹ​ച​ര്യ​ങ്ങ​ളി​ലും ശ​സ്ത്ര​ക്രി​യ ആ​വ​ശ്യ​മാ​യി​ വ​രാ​റി​ല്ല. പ​ല​പ്പോ​ഴും നേ​ര​ത്തേ​യു​ള്ള ക​ണ്ടെ​ത്ത​ലും ചി​കി​ത്സ​യും ശ​സ്ത്ര​ക്രി​യ​ക​ൾ ഒ​ഴി​വാ​ക്കാ​ൻ സ​ഹാ​യി​ക്കുമെ​ന്ന​തും പ്ര​ധാ​ന​മാ​ണ്.

പ​ല​ത​രം സ്കോ​ളി​യോ​സി​സു​ക​ൾ

�ഇ​ഡി​യോ​പ​തി​ക് സ്കോ​ളി​യോ​സി​സ് (Idiopathic Scoliosis)

ഏ​റ്റ​വും കൂ​ടു​ത​ലാ​യി ക​ണ്ടു​വ​രു​ന്ന അ​വ​സ്ഥ​യാ​ണ്​ ഇ​ഡി​യോ​പ​തി​ക് സ്കോ​ളി​യോ​സി​സ്. ഏ​ക​ദേ​ശം 80 ശ​ത​മാ​നം പേ​രി​ൽ കാ​ണ​പ്പെ​ടു​ന്ന ഇ​ത്​ സാ​ധാ​ര​ണ​യാ​യി കൗ​മാ​ര​പ്രാ​യ​ത്തി​ലാ​ണ്​ ശ്ര​ദ്ധ​യി​ൽ​പെ​ടു​ക. ഇ​തി​ന്‍റെ കാ​ര​ണം ഇ​നി​യും ക​ണ്ടെ​ത്തേ​ണ്ടി​യി​രി​ക്കു​ന്നു.

ന്യൂ​റോ മ​സ്കു​ല​ർ സ്കോ​ളി​യോ​സി​സ് (Neuromuscular Scoliosis)

സു​ഷു​മ്നാ നാ​ഡി​യെ ബാ​ധി​ക്കു​ന്ന അ​വ​സ്ഥ​യാ​ണി​ത്. ന​ട്ടെ​ല്ലി​നോ​ട്​ ചേ​ർ​ന്ന്​ സ്ഥി​തി​ചെ​യ്യു​ന്ന പേ​ശി​ക​ൾ ദു​ർ​ബ​ല​മാ​വു​ന്ന​തോ​ടെ സെ​റി​ബ്ര​ൽ പാ​ൾ​സി, മ​സ്കു​ല​ർ ഡി​സ്ട്രോ​ഫി എ​ന്നീ രോ​ഗ​ങ്ങ​ളി​ൽ ക​ണ്ടു​വ​രു​ന്ന ല​ക്ഷ​ണ​ങ്ങ​ൾ പ്ര​ക​ട​മാ​വു​ന്നു.

ക​ൻ​ജെ​നി​റ്റ​ൽ സ്കോ​ളി​യോ​സി​സ് (Congenital Scoliosis)

ഗ​ർ​ഭ​കാ​ല​ത്ത്​ ഭ്രൂ​ണ​ത്തി​ന്‍റെ വ​ള​ർ​ച്ച​യു​ടെ ഘ​ട്ട​ങ്ങ​ളി​ൽ ക​ശേ​രു​ക്ക​ളി​ലു​ണ്ടാ​വു​ന്ന വൈ​ക​ല്യം മൂ​ല​മാ​ണ് ഇ​ത് സം​ഭ​വി​ക്കു​ന്ന​ത്. പ​ല​പ്പോ​ഴും ജ​ന​ന​സ​മ​യ​ത്തു​ത​ന്നെ ഇ​ത്​ ക​ണ്ടെ​ത്താ​നാ​വും. ആ​കൃ​തി​യി​ൽ പ്ര​ക​ട​മാ​യ വ്യ​ത്യാ​സം കാ​ണ​പ്പെ​ടു​ക​യും ചെ​യ്യും.

സി​ൻ​ഡ്രോ​മി​ക് സ്കോ​ളി​യോ​സി​സ് (Syndromic scoliosis)

ന​ട്ടെ​ല്ലി​ന്‍റെ ഒ​രു​വ​ശ​ത്തെ വ​ള​വി​ന്‍റെ രൂ​പ​ത്തി​ൽ കാ​ണു​ന്ന ഇ​ത് ഒ​രു അ​ടി​സ്ഥാ​ന​പ​ര​മാ​യി ഒ​രു ജ​നി​ത​ക പ്ര​ശ്ന​മാ​ണ്. ‘മാ​ർ​ഫ​ൻ സി​ൻ​ഡ്രോം’ (Marfan syndrome) പോ​ലു​ള്ള അ​വ​സ്ഥ​ക​ളും ഇ​തി​ന്​ കാ​ര​ണ​മാ​വും.