ആ​രോ​ഗ്യ വി​ഭ​വ​ങ്ങ​ളു​മാ​യി മി​ല്ല​റ്റ് ക​ഫേ​ക​ൾ

ചെ​റു​ധാ​ന്യ വി​ഭ​വ​ങ്ങ​ൾ കൊ​ണ്ടു​ള്ള ഭ​ക്ഷ​ണ​ത്തി​നാ​യികൃ​ഷി വ​കു​പ്പു​ മി​ല്ല​റ്റ് ക​ഫേകൾ എന്ന പേരിൽഎല്ലാ ജില്ലകളിലും റ​സ്റ്റാ​റ​ന്റ് തുടങ്ങുന്നു

ജീ​വി​ത​ശൈ​ലി രോ​ഗ​ങ്ങ​ൾ​ക്ക് പ്ര​ധാ​ന കാ​ര​ണം അ​ശാ​സ്ത്രീ​യ​മാ​യ ആ​ഹാ​ര​ക്ര​മ​മാ​ണെ​ന്നു​ള്ള തി​രി​ച്ച​റി​വ് ഇ​ന്ന​ത്തെ ജ​ന​ത​ക്കു​ണ്ട്. സം​സ്ക​രി​ച്ച​തും ബേ​ക്ക് ചെ​യ്ത​തു​മാ​യ ഭ​ക്ഷ​ണം ഒ​ഴി​വാ​ക്കി ആ​രോ​ഗ്യദാ​യ​ക​വും പോ​ഷ​ക​ദാ​യ​ക​വു​മാ​യ ഭ​ക്ഷ​ണ​ക്ര​മ​ത്തി​ലേ​ക്ക് ലോ​കം ചു​വ​ടു​വെ​ക്കുകയാണ്. ആ​രോ​ഗ്യ ഭ​ക്ഷ​ണ​ത്തി​ൽ സൂ​പ്പ​ർ​ഫൂഡ്സ് എ​ന്ന​റി​യ​പ്പെ​ടു​ന്ന ചെ​റു​ധാ​ന്യ​ങ്ങ​ൾ ഇ​ന്ന് ശ്ര​ദ്ധ​യാ​ക​ർ​ഷി​ച്ചു വ​രു​ക​യാ​ണ്. ഇ​തി​ന്റെ അ​ടി​സ്ഥാ​ന​ത്തി​ൽ ഐ​ക്യ​രാ​ഷ്ട്ര​സ​ഭ ത​ന്നെ 2023 അ​ന്താ​രാ​ഷ്ട്ര ചെ​റു​ധാ​ന്യ വ​ർ​ഷ​മാ​യി ആ​ച​രി​ക്കു​ക​യു​ണ്ടാ​യി.

കേ​ര​ള​ത്തി​ൽ 2017 മു​ത​ൽ മി​ല്ല​റ്റ് ഗ്രാ​മം പോ​ലു​ള്ള പ​ദ്ധ​തി​ക​ൾ ന​ട​പ്പി​ലാ​ക്കി വ​രു​ന്നു​മു​ണ്ട്. ചെ​റു​ധാ​ന്യ​ങ്ങ​ൾ ഇ​ന്ന് പൊ​തു​വി​ത​ര​ണ ശൃം​ഖ​ല​യു​ടെ കൂ​ടി ഭാ​ഗ​മാ​ണ്. ഈ ​അ​വ​സ​ര​ത്തി​ലാ​ണ് ചെ​റു​ധാ​ന്യ വി​ഭ​വ​ങ്ങ​ൾ കൊ​ണ്ടു​ള്ള ഭ​ക്ഷ​ണ​ത്തി​നാ​യി റ​സ്റ്റാ​റ​ന്റ് എ​ന്ന ആ​ശ​യ​ത്തി​ന്റെ അ​ടി​സ്ഥാ​ന​ത്തി​ൽ സം​സ്ഥാ​ന കൃ​ഷി വ​കു​പ്പു​ മി​ല്ല​റ്റ് ക​ഫേ എ​ന്ന ഒ​രു പ​ദ്ധ​തി​ക്ക് രൂ​പം ന​ൽ​കി​യ​ത്. എ​ല്ലാ ജി​ല്ല​ക​ളി​ലും മി​ല്ല​റ്റ് ക​ഫേ​ക​ൾ ആ​രം​ഭി​ക്കു​ന്ന​തി​നാ​ണ് കൃ​ഷി​വ​കു​പ്പി​ന്റെ തീ​രു​മാ​നം. മി​ല്ല​റ്റ് ക​ഫേ​യു​ടെ ആ​ദ്യ സം​രം​ഭം തി​രു​വ​ന​ന്ത​പു​ര​ത്ത് തുറന്നുകഴിഞ്ഞു.

മി​ല്ല​റ്റ് പ​ഴം​പൊ​രി മു​ത​ൽ തി​ന ബി​രി​യാ​ണി വ​രെ 

അ​രി, ഗോ​ത​മ്പ്, മൈ​ദ എ​ന്നി​വ കൊ​ണ്ടു​ണ്ടാ​ക്കാ​വു​ന്ന എ​ല്ലാ​വി​ഭ​വ​ങ്ങ​ളും ചെ​റു​ധാ​ന്യ​ങ്ങ​ൾ കൊ​ണ്ടും ഉ​ണ്ടാ​ക്കാ​മെ​ന്ന​താ​ണ് സ​വി​ശേ​ഷ​ത. ഈ ​രീ​തി​യി​ൽ പ്രാ​ത​ൽ മു​ത​ൽ അ​ത്താ​ഴ​ത്തി​നു​ള്ള വി​ഭ​വ​ങ്ങ​ൾ വ​രെ സം​യോ​ജി​പ്പി​ച്ച് ആ​രോ​ഗ്യ ജീ​വി​ത​ത്തി​ന് ആ​രോ​ഗ്യ ഭ​ക്ഷ​ണം എ​ന്ന​താ​ണ് മി​ല്ല​റ്റ് ക​ഫേ​ക​ളു​ടെ വാ​ഗ്ദാ​നം. മൈ​ദ​ക്കു​പ​ക​രം മ​ണി​ച്ചോ​ളം കൊ​ണ്ടു​ള്ള പൊ​റോ​ട്ട​യും നാ​ട​ൻ കോ​ഴി​ക്ക​റി​യും, തി​ന കൊ​ണ്ടു​ള്ള ബി​രി​യാ​ണി, പ​ശു​വി​ൻ പാ​ലി​നു​പ​ക​രം ബ​ദാം മി​ൽ​ക്ക്, പ്ര​ഭാ​ത ഭ​ക്ഷ​ണം ആ​യ ഇ​ഡ്ഡ​ലി, ദോ​ശ, പു​ട്ട് എ​ന്നി​വ​യെ​ല്ലാം ചെ​റു​ധാ​ന്യ​ങ്ങ​ൾ​കൊ​ണ്ട്, മി​ല്ല​റ്റ് കൊ​ണ്ടു​ള്ള ക​ഞ്ഞി, പു​ലാ​വ്, ഉ​പ്പു​മാ​വ്, ച​പ്പാ​ത്തി തു​ട​ങ്ങി രു​ചി​യി​ൽ മാ​ത്ര​മ​ല്ല ഗു​ണ​ത്തി​ന്റെ കാ​ര്യ​ത്തി​ലും മു​ൻ​പ​ന്തി​യി​ൽ ത​ന്നെ മി​ല്ല​റ്റ്  വി​ഭ​വ​ങ്ങ​ൾ.  

ചെ​റു​ധാ​ന്യ​ങ്ങ​ൾ ന്യൂ​ട്രി സി​റി​യ​ൽ​സ്

ആ​കു​ന്ന​തെ​ങ്ങ​നെ?

●അ​ന്ന​ജം എ​ളു​പ്പ​ത്തി​ൽ ഗ്ലൂ​ക്കോ​സ് ആ​യി മാ​റു​ന്നി​ല്ല, ര​ക്ത​ത്തി​ലെ ഗ്ലൂ​ക്കോ​സ് പെ​ട്ടെ​ന്ന് കൂ​ടു​ന്നി​ല്ല.

●അ​രി, ഗോ​ത​മ്പ് വി​ള​ക​ളി​ൽ ഉ​ള്ള​തി​നേ​ക്കാ​ൾ പ്രോ​ട്ടീ​ൻ കൂ​ടു​ത​ൽ

●ഗു​ണ​ക​ര​മാ​യ ബാ​ക്ടീ​രി​യ​ക​ളു​ടെ വ​ള​ർ​ച്ച​യെ സ​ഹാ​യി​ക്കു​ന്നു

●അ​മി​ത വി​ശ​പ്പ് ഉ​ണ്ടാ​കു​ന്നി​ല്ല

●ത​വി​ടു​ക​ള​യാ​ത്ത ചെ​റു​ധാ​ന്യ​ങ്ങ​ളി​ൽ നാ​രു​ക​ളു​ടെ അം​ശം കൂ​ടു​ത​ലാ​ണ്

●സൂ​ക്ഷ്മ പോ​ഷ​ക ഘ​ട​ക​ങ്ങ​ളാ​ൽ സ​മ്പ​ന്നം

●ഫോ​ളി​ക് അ​മ്ലം, ഇ​രു​മ്പ്, ത​യാ​മി​ൻ, റൈ​ബോ​ഫ്ലാ​വി​ൻ,  നി​യാ​സി​ൻ ലൈ​സി​ൻ, വാ​ലൈ​ന്‍, ലീ​ഗ്നി​നു​ക​ൾ, ക​രോ​ട്ടി​നോ​യി​ഡു​ക​ൾ എ​ന്നി​വ​യാ​ൽ  സ​മ്പു​ഷ്ടം.

●ഗ്ലൂ​ട്ട​ൺ ര​ഹി​ത ഭ​ക്ഷ​ണ​ങ്ങ​ൾ​ക്ക് ചെ​റു​ധാ​ന്യ​ങ്ങ​ൾ ഉ​ത്ത​മം

●ഗ്ലൈ​സീ​മി​ക് ഇ​ൻ​ഡ​ക്സ് വ​ള​രെ കു​റ​വ്

ക​ഫേ​ക​ളി​ൽ കേ​ര​ള ഗ്രോ  ബ്രാ​ൻ​ഡ​ഡ് ഉ​ൽ​പ​ന്ന​ങ്ങ​ളും 

ചെ​റു​ധാ​ന്യ​ങ്ങ​ളു​ടെ വി​വി​ധ മൂ​ല്യ​വ​ർ​ധി​ത വി​ഭ​വ​ങ്ങ​ൾ മി​ല്ല​റ്റ് ക​ഫേ​ക​ളി​ൽ ല​ഭി​ക്കും. അ​തോ​ടൊ​പ്പം കേ​ര​ള ഗ്രോ ​ബ്രാ​ൻ​ഡ​ഡ് ഉ​ൽ​പ​ന്ന​ങ്ങ​ളും ഉ​ണ്ടാ​കും. ക​ർ​ഷ​ക​സം​ഘ​ങ്ങ​ൾ, എ​ഫ്.​പി.​ഒ​ക​ൾ, കൃ​ഷി​ക്കൂ​ട്ട​ങ്ങ​ൾ, അ​ഗ്രോ സ​ർ​വി​സ് സെ​ന്റ​റു​ക​ൾ തു​ട​ങ്ങി​യ​വ​രാ​കും ക​ഫേ​ക​ളു​ടെ പ്ര​വ​ർ​ത്ത​നം ഏ​കോ​പി​പ്പി​ക്കു​ക. കേ​ര​ള ഗ്രോ ​ബ്രാ​ൻ​ഡ​ഡ് ഷോ​പ്പു​ക​ൾ, കേ​ര​ള ഗ്രോ ​റീ​ട്ടെ​യി​ൽ ഔ​ട്ട്‌​ലെ​റ്റു​ക​ൾ, മി​ല്ല​റ്റ് ക​ഫേ​ക​ൾ എ​ന്നി​വ ആ​ദ്യ​ഘ​ട്ട​ത്തി​ൽ ഒ​രെ​ണ്ണം വീ​ത​മാ​യി​രി​ക്കും 14 ജി​ല്ല​ക​ളി​ലാ​യി പൂ​ർ​ത്തീ​ക​രി​ക്കു​ക.

കേ​ര​ള​ത്തി​ലെ ക​ർ​ഷ​ക​ർ ഉ​ൽ​പാ​ദി​പ്പി​ക്കു​ന്ന ഉ​ൽ​പ​ന്ന​ങ്ങ​ൾ കേ​ര​ള ഗ്രോ ​ഗ്രീ​ൻ, കേ​ര​ള ഗ്രോ ​ഓ​ർ​ഗാ​നി​ക് എ​ന്നീ വി​ഭാ​ഗ​ങ്ങ​ളാ​യി​ട്ടാ​യി​രി​ക്കും വി​പ​ണി​യി​ലെ​ത്തി​ക്കു​ക. ജൈ​വ​രീ​തി​യി​ലും ഉ​ത്ത​മ കൃ​ഷി​മു​റ​ക​ൾ അ​വ​ലം​ബി​ച്ചും ഉ​ൽ​പാ​ദി​പ്പി​ക്കു​ന്ന ഉ​ൽ​പ​ന്ന​ങ്ങ​ളാ​യി​രി​ക്കും മൂ​ല്യ​വ​ർ​ധ​ന​വ് ന​ട​ത്തി​യും അ​ല്ലാ​തെ​യും ആ​വ​ശ്യ​ക്കാ​രി​ലേ​ക്ക് എ​ത്തി​ക്കു​ക. കൃ​ഷി​ക്കൂ​ട്ട​ങ്ങ​ളു​ടെ​യും വ​കു​പ്പി​ന്റെ കീ​ഴി​ൽ രൂ​പ​വ​ത്​​ക​രി​ച്ചി​ട്ടു​ള്ള മ​റ്റ് കാ​ർ​ഷി​ക ഗ്രൂ​പ്പു​ക​ളു​ടെ​യും വി​വി​ധ ഉ​ൽ​പ​ന്ന​ങ്ങ​ൾ​ക്ക് ഗു​ണ​മേ​ന്മ പ​രി​ശോ​ധ​ന​യു​ടെ അ​ടി​സ്ഥാ​ന​ത്തി​ലാ​ണ് കേ​ര​ള ഗ്രോ ​ബ്രാ​ൻ​ഡി​ങ് ന​ൽ​കു​ന്ന​ത്. ക​ർ​ഷ​ക​രു​ടെ വ​രു​മാ​ന​വും ഉ​ൽ​പ​ന്ന​ങ്ങ​ളു​ടെ വി​പ​ണി സാ​ധ്യ​ത​യും കൂ​ട്ടാ​ൻ ഇ​തി​ലൂ​ടെ സാ​ധ്യ​മാ​കും. കൃ​ഷി​വ​കു​പ്പ് ഉ​ദ്യോ​ഗ​സ്ഥ​രു​ടെ ക​ര്‍ശ​ന പ​രി​ശോ​ധ​ന​ക്കു​കീ​ഴി​ല്‍ സം​സ്ഥാ​ന​ത്തെ ക​ര്‍ഷ​ക​ര്‍ ഉ​ൽ​പാ​ദി​പ്പി​ക്കു​ന്ന ജൈ​വ ഉ​ല്‍പ​ന്ന​ങ്ങ​ള്‍ ആ​ധി​കാ​രി​ക​ത​യോ​ടു​കൂ​ടി പൊ​തു​വി​പ​ണി​യി​ല്‍ ല​ഭ്യ​മാ​ക്കു​ക എ​ന്ന​താ​ണ് ബ്രാ​ന്‍ഡി​ങ്ങി​ന്റെ ല​ക്ഷ്യം. ക​മീ​ഷ​ന്‍ ഏ​ജ​ന്‍റു​മാ​രോ ഇ​ട​നി​ല​ക്കാ​രോ ഇ​ല്ലാ​ത്ത​തി​നാ​ല്‍ ഉ​ൽ​പാ​ദ​ക​ര്‍ക്ക് മി​ക​ച്ച വി​ല ല​ഭി​ക്കു​ക​യും ഗു​ണ​ഭോ​ക്താ​ക്ക​ള്‍ക്ക് വി​ശ്വാ​സ്യ​ത​യോ​ടെ ന്യാ​യ​വി​ല​ക്ക്​ ത​ന​ത് ഉ​ല്‍പ​ന്ന​ങ്ങ​ള്‍ ല​ഭി​ക്കു​ക​യും ചെ​യ്യും. 

രു​ചി​യേ​റും ചി​ല മി​ല്ല​റ്റ് വി​ഭ​വ​ങ്ങ​ൾ

തി​ന​ മു​റു​ക്ക്

ചേ​രു​വ​ക​ൾ: തി​ന അ​രി മാ​വ് – 100 ഗ്രാം, ​ചെ​റു​പ​യ​ർ പ​രി​പ്പ് – 30 ഗ്രാം. ​ഉ​ഴു​ന്ന് പ​രി​പ്പ് 20 ഗ്രാം. ​ചു​വ​ന്ന മു​ള​ക് പൊ​ടി – 2 ഗ്രാം,, ​അ​ജ്വെ​യി​ന്‍വി​ത്തു​ക​ൾ – 1 ഗ്രാം, ​മ​ഞ്ഞ​ള്‍പ്പൊ​ടി – 2 ഗ്രാം, ​പ​പ്പ​ട്ഖ​ര്‍ – 5 ഗ്രാം, ​ഉ​പ്പ് – 1 ഗ്രാം, ​എ​ള്ള്- 3 ഗ്രാം.

​ത​യാ​റാ​ക്കു​ന്ന രീ​തി: എ​ല്ലാ ചേ​രു​വ​ക​ളും ഒ​രു പാ​ത്ര​ത്തി​ൽ ക​ല​ർ​ത്തി ചൂ​ടു​വെ​ള്ളം ചേ​ർ​ത്ത് പ​തു​ക്കെ മാ​വു​പോ​ലെ​യാ​ക്കു​ക. ന​ന്നാ​യി വ​റു​ക്കാ​ൻ അ​ടി​ഭാ​ഗം ക​ട്ടി​യു​ള്ള പാ​ത്ര​ത്തി​ൽ ആ​വ​ശ്യ​ത്തി​ന് എ​ണ്ണ​യൊ​ഴി​ച്ച് എ​ണ്ണ  ചൂ​ടാ​ക്കി​ക്ക​ഴി​ഞ്ഞാ​ൽ കു​ഴ​ച്ച മാ​വ് ഉ​ണ്ടാ​ക്കു​ന്ന സേ​വ​നാ​ഴി​യി​ൽ നി​റ​ക്കു​ക. സേ​വ​നാ​ഴി നേ​രി​ട്ട് എ​ണ്ണ​യു​ടെ മു​ക​ളി​ൽ വെ​ച്ചു​കൊ​ണ്ട് അ​മ​ർ​ത്തി മാ​വ് എ​ണ്ണ​യി​ലേ​ക്ക് പി​ഴി​യു​ക. ന​ന്നാ​യി മൊ​രി​യു​ന്ന​തു​വ​രെ സ്പൂ​ൺ കൊ​ണ്ട് ഇ​ള​ക്കു​ക. എ​ണ്ണ​യു​ടെ തി​ള നി​ൽ​ക്കു​മ്പോ​ൾ പാ​ക​മാ​യ മു​റു​ക്ക് കോ​രി​യെ​ടു​ക്കു​ക. മു​റു​ക്ക് ടി​ഷ്യൂ പേ​പ്പ​റി​ൽ ഇ​ട്ട് എ​ണ്ണ ക​ള​യു​ക.

ക​വ​ട​പ്പു​ല്ല് പു​ലാ​വ്

ചേ​രു​വ​ക​ൾ: ക​വ​ട​പ്പു​ല്ല് അ​രി – 100 ഗ്രാം. ​സ​വാ​ള – 1 എ​ണ്ണം, കാ​ര​റ്റ്-1 എ​ണ്ണം, ബീ​ൻ​സ്-1 എ​ണ്ണം, ഉ​രു​ള​ക്കി​ഴ​ങ്ങ്-1 എ​ണ്ണം, പ​ച്ച​മു​ള​ക്  3 എ​ണ്ണം, കു​രു​മു​ള​ക് പൊ​ടി  -1 ടീ ​സ്പൂ​ൺ, ക​ശു​വ​ണ്ടി​പ്പ​രി​പ്പ്-10 ഗ്രാം, ​ഗ്രാ​മ്പു- ഏ​ലം ക​റു​വ​പ്പ​ട്ട- 4 എ​ണ്ണം വീ​തം ഓ​രോ​ന്നി​ലും, ഇ​ഞ്ചി വെ​ളു​ത്തു​ള്ളി പേ​സ്റ്റ് – 2 ടീ​സ്പൂ​ൺ, ക​റി​വേ​പ്പി​ല – 2 ത​ണ്ട്, ഉ​പ്പ് – ആ​വ​ശ്യ​ത്തി​ന്, വെ​ള്ളം-​ആ​വ​ശ്യ​ത്തി​ന്.

ത​യാ​റാ​ക്കു​ന്ന രീ​തി: ഒ​രു വ​ലി​യ പാ​ത്ര​ത്തി​ൽ ക​വ​ട​പ്പു​ല്ല് അ​രി  30 മി​നി​റ്റ് മു​ക്കി​വെ​ക്കു​ക. ഒ​രു പ്ര​ഷ​ർ കു​ക്ക​റി​ൽ അ​ൽ​പം എ​ണ്ണ​യൊ​ഴി​ച്ച് എ​ല്ലാ മ​സാ​ല​ക​ളും ഇ​ഞ്ചി, വെ​ളു​ത്തു​ള്ളി പേ​സ്റ്റി​നൊ​പ്പം വ​ഴ​റ്റു​ക. ശേ​ഷം അ​രി​ഞ്ഞ പ​ച്ച​ക്ക​റി​ക​ൾ ചേ​ർ​ത്ത് അ​ഞ്ചു മി​നി​റ്റ് വേ​വി​ക്കു​ക. മു​ക​ളി​ലെ പ​ച്ച​ക്ക​റി മി​ശ്രി​ത​ത്തി​ലേ​ക്ക് കു​തി​ർ​ത്ത മി​ല്ല​റ്റ് അ​രി ചേ​ർ​ത്ത് മൂ​ന്നു മി​നി​റ്റ് ഇ​ള​ക്കു​ക. നാ​ലു​ക​പ്പ് വെ​ള്ളം ചേ​ർ​ത്ത് 5-6 വി​സി​ൽ വ​രെ വേ​വി​ക്കു​ക. മ​ല്ലി​യി​ല കൊ​ണ്ട് അ​ല​ങ്ക​രി​ച്ച് റെ​യ്ത​യോ​ടൊ​പ്പം വി​ള​മ്പു​ക.

മ​ണി​ച്ചോ​ളം ഹ​ൽ​വ

ചേ​രു​വ​ക​ൾ: മ​ണി​ച്ചോ​ളം (സോ​ർ​ഗം) പൊ​ടി ഒ​രു ക​പ്പ്, ശ​ർ​ക്ക​ര 1 ക​പ്പ്, നെ​യ്യ് 1 ക​പ്പ്, പാ​ൽ  ഒ​രു ക​പ്പ്. ഉ​ണ​ങ്ങി​യ പ​ഴ​ങ്ങ​ൾ ഡ്രൈ​ഫ്രൂ​ട്ട്സ് -1/4 ക​പ്പ്‌ 

ത​യാ​റാ​ക്കു​ന്ന രീ​തി : പാ​നി​ൽ സോ​ർ​ഗം മാ​വ് നെ​യ്യി​ൽ പ​ച്ച​മ​ണ​വും നി​റ​വും മാ​റു​ന്ന​തു​വ​രെ വ​റു​ത്തെ​ടു​ക്കു​ക. മി​ശ്രി​ത​ത്തി​ലേ​ക്ക് പാ​ൽ ചേ​ർ​ത്ത് ചെ​റി​യ തീ​യി​ൽ 5-10 മി​നി​റ്റ് വേ​വി​ക്കു​ക. സോ​സ് പാ​നി​ൽ 1 ടീ​സ്പൂ​ൺ വെ​ള്ളം ചേ​ർ​ത്ത് ചെ​റി​യ തീ​യി​ൽ ശ​ർ​ക്ക​ര ഉ​രു​ക്കു​ക. ഉ​രു​ക്കി​യ ശ​ർ​ക്ക​ര ഒ​രു നു​ള്ള് നെ​യ്യ് എ​ന്നി​വ ചേ​ർ​ത്ത് ക​ട്ട​കെട്ടാ​തെ ക​ട്ടി​യു​ള്ള സാ​ന്ദ്ര​ത (ക​ൺ​സി​സ്റ്റ​ൻ​സി) ആ​കു​ന്ന​തു​വ​രെ ന​ന്നാ​യി  ഇ​ള​ക്കു​ക. ത​യാ​റാ​ക്കി​യ മാ​വ് ഒ​രു അ​ച്ചി​ൽ ഒ​ഴി​ച്ച് ക​ട്ടി​യാ​കാ​ൻ അ​നു​വ​ദി​ക്കു​ക. ചെ​റി​യ ക​ഷ​ണ​ങ്ങ​ളാ​ക്കി​യ ഡ്രൈ ​ഫ്രൂ​ട്ട്സ് കൊ​ണ്ട് അ​ല​ങ്ക​രി​ച്ച് വി​ള​മ്പു​ക.

സം​രം​ഭ​ക​ത്വ സാ​ധ്യ​ത​ക​ളും നി​ര​വ​ധി

ആ​രോ​ഗ്യ സം​ര​ക്ഷ​ണ​ത്തി​ന് പ്രാ​മു​ഖ്യം ന​ൽ​കു​ന്ന ത​ല​മു​റ​യാ​ണ് ഇ​ന്നു​ള്ള​ത് എ​ന്ന തു​കൊ​ണ്ടു​ത​ന്നെ ചെ​റു​ധാ​ന്യ​ങ്ങ​ളു​മാ​യി ബ​ന്ധ​പ്പെ​ട്ട സം​രം​ഭ​ങ്ങ​ൾ തു​ട​ങ്ങു​ന്ന​തി​നും യു​വാ​ക്ക​ൾ മു​ന്നി​ട്ടി​റ​ങ്ങു​ന്നു​ണ്ട്. ചെ​റു​ധാ​ന്യ​ങ്ങ​ളു​ടെ മൂ​ല്യ​വ​ർ​ധി​ത ശൃം​ഖ​ല​യു​മാ​യി ബ​ന്ധ​പ്പെ​ട്ട് 500 ല​ധി​കം സ്റ്റാ​ർ​ട്ട​പ്പു​ക​ൾ ത​ന്നെ രം​ഗ​ത്തു​ണ്ട്. ഹൈ​ദ​രാ​ബാ​ദ് ആ​സ്ഥാ​ന​മാ​യു​ള്ള ഭാ​ര​തീ​യ ചെ​റു​ധാ​ന്യ ഗ​വേ​ഷ​ണ കേ​ന്ദ്ര​ത്തി​ന്റെ (ഐ.​ഐ.​എം.​ആ​ർ) ഇ​തി​ൽ നി​ന്നും 250 സ്‌​റ്റാ​ർ​ട്ട​പ്പു​ക​ളെ അ​വ​രു​ടെ പ​ദ്ധ​തി​യി​ൽ ഉ​ൾ​പ്പെ​ടു​ത്തി​യി​ട്ടു​മു​ണ്ട്. ചെ​റു​ധാ​ന്യ​ങ്ങ​ളു​ടെ മൂ​ല്യ​വ​ർ​ധി​ത ശൃം​ഖ​ല​യു​മാ​യി ബ​ന്ധ​പ്പെ​ട്ട് ക്രി​യാ​ത്മ​ക​മാ​യ ആ​ശ​യ​ങ്ങ​ൾ രൂ​പ​ക​ൽ​പ​ന ചെ​യ്തു ന​ൽ​കു​ന്ന സ്റ്റാ​ർ​ട്ട​പ്പു​ക​ൾ​ക്ക് ന​ല്ല ധ​ന​സ​ഹാ​യം സീ​ഡ്ഗ്രാ​ന്റ് കേ​ന്ദ്ര​സ​ർ​ക്കാ​ർ പ്ര​ഖ്യാ​പി​ച്ചി​ട്ടു​മു​ണ്ട്. ചെ​റു​ധാ​ന്യ വി​ഭ​വ​ങ്ങ​ളു​ടെ ക​യ​റ്റു​മ​തി പ്രോ​ത്സാ​ഹ​ന​ത്തി​നാ​യി ന്യൂ​ട്രി സി​റി​യ​ൽ​സ് എ​ക്സ്പോ​ർ​ട്ട് പ്ര​മോ​ഷ​ൻ ഫോ​റ​ത്തി​ൽ ചെ​റു​ധാ​ന്യ​ങ്ങ​ളെ കൂ​ടി ഉ​ൾ​പ്പെ​ടു​ത്തി​യ​തും സ​ഹാ​യ​ക​ര​മാ​ണ്.