വരൂ, മുറിവുണക്കാൻ കൈകോർക്കാം…

മുതിർന്നവരും കുട്ടികളുമടക്കം 60 ദശലക്ഷത്തിലധികം ആളുകൾക്ക് ഓരോ വർഷവും ലോകത്ത് പാലിയേറ്റിവ് കെയർ സേവനങ്ങൾ ആവശ്യമുണ്ട്. ഇതിൽ 80 ശതമാനത്തിലധികം പേർ താഴ്ന്ന ഇടത്തരം വരുമാനമുള്ള രാജ്യങ്ങളിൽ താമസിക്കുന്നവരാണ്.

രോ​ഗ​പീ​ഡ​യാ​ൽ വേ​ദ​ന​യ​നു​ഭ​വി​ക്കു​ന്ന​വ​ർ​ക്ക് വേ​ദ​ന​സം​ഹാ​രി​ക​ൾ​ക്കൊ​പ്പം സ്​​നേ​ഹ​പൂ​ർ​ണ​മാ​യ പ​രി​ച​ര​ണ​വും ക​രു​ത​ലും ന​ൽ​കി രോ​ഗി​യു​ടെ​യും കു​ടും​ബ​ത്തി​ന്റെ​യും അ​വ​സ്ഥ​യെ മെ​ച്ച​പ്പെ​ടു​ത്തു​ന്ന​തി​നെ​യാ​ണ്​ പാ​ലി​യേ​റ്റി​വ് പ​രി​ച​ര​ണ​മെ​ന്ന് ലോ​കാ​രോ​ഗ്യ സം​ഘ​ട​ന വി​വ​ക്ഷി​ക്കു​ന്ന​ത്. ജീ​വി​താ​ന്ത്യം പ്ര​തീ​ക്ഷി​ക്കു​ന്ന രോ​ഗി​ക​ൾ​ക്കു​ള്ള പ​രി​ച​ര​ണ​മാ​യി ആ​ദ്യ​കാ​ല​ത്ത് ക​ണ​ക്കാ​ക്കി​യി​രു​ന്നു​വെ​ങ്കി​ലും ഇ​പ്പോ​ൾ പ​ല രോ​ഗ​ബാ​ധി​ത​ർ​ക്കും രോ​ഗ ചി​കി​ത്സ​യോ​ടൊ​പ്പം സാ​ന്ത്വ​ന പ​രി​ച​ര​ണ​വും ന​ൽ​കി​വ​രു​ന്നു. മ​ര​ണ​പ്പെ​ടു​ന്ന​വ​രെ സം​സ്​​ക​രി​ക്കു​ന്ന​തി​ലും കു​ടും​ബാം​ഗ​ങ്ങ​ൾ​ക്കാ​വ​ശ്യ​മാ​യ പി​ന്തു​ണ ന​ൽ​കു​ന്ന​തി​ലേ​ക്കും വ​രെ ഇ​ന്ന് പാ​ലി​യേ​റ്റി​വ് കെ​യ​ർ വി​ക​സി​ച്ചി​ട്ടു​ണ്ട്. എ​ല്ലാ വ​ർ​ഷ​വും ഒ​ക്ടോ​ബ​ർ മാ​സ​ത്തെ ര​ണ്ടാം ശ​നി​യാ​ഴ്ച​യാ​ണ്​ ലോ​ക് ഹോ​സ്​​പീ​സ്​ പാ​ലി​യേ​റ്റി​വ് കെ​യ​ർ ദി​നം ആ​ച​രി​ക്കു​ന്ന​ത്.

ലോ​കാ​രോ​ഗ്യ സം​ഘ​ട​ന​യു​ടെ ഗ​വേ​ണി​ങ്​ ബോ​ഡി​യാ​യ വേ​ൾ​ഡ് ഹെ​ൽ​ത്ത് അ​സം​ബ്ലി സാ​ന്ത്വ​ന പ​രി​ച​ര​ണ​ത്തെ​ക്കു​റി​ച്ചു​ള്ള പ്ര​മേ​യം പാ​സാ​ക്കി​യി​ട്ട് 10 വ​ർ​ഷം പി​ന്നി​ടു​ക​യാ​ണ്. ‘ജീ​വി​ത​കാ​ലം മു​ഴു​വ​ൻ സ​മ​ഗ്ര പ​രി​ച​ര​ണ​ത്തി​ന്റെ ഘ​ട​ക​മാ​യി പാ​ലി​യേ​റ്റി​വ് കെ​യ​ർ ശ​ക്തി​പ്പെ​ടു​ത്താ​ൻ’ എ​ല്ലാ രാ​ജ്യ​ങ്ങ​ളോ​ടും​ ആ​ഹ്വാ​നം ചെ​യ്യു​ന്ന ഈ ​പ്ര​മേ​യ​മാ​ണ് ഈ ​വ​ർ​ഷ​ത്തെ ലോ​ക ദി​നാ​ച​ര​ണ സ​ന്ദേ​ശ​ത്തി​ന് പ്ര​ചോ​ദ​നം.

ചെ​ല​വ് കു​റ​ഞ്ഞ​തും എ​ല്ലാ ജ​ന​ങ്ങ​ൾ​ക്കും വി​വേ​ച​ന​മി​ല്ലാ​തെ ല​ഭി​ക്കു​ന്ന​തു​മാ​യ പാ​ലി​യേ​റ്റി​വ് കെ​യ​ർ സേ​വ​ന​ങ്ങ​ൾ ആ​രോ​ഗ്യ സം​വി​ധാ​ന​വു​മാ​യി സ​മ​ന്വ​യി​പ്പി​ക്കു​ന്ന​തി​നു​ള്ള ന​യ​ങ്ങ​ൾ വി​ക​സി​പ്പി​ക്കു​ക​യും ശ​ക്തി​പ്പെ​ടു​ത്തു​ക​യും ന​ട​പ്പാ​ക്കു​ക​യും ചെ​യ്യു​ക, ഓ​പ്പി​യോ​യി​ഡ് വി​ഭാ​ഗ​ത്തി​ലെ വേ​ദ​ന​സം​ഹാ​രി​ക​ൾ ഉ​ൾ​പ്പെ​ടെ​യു​ള്ള പാ​ലി​യേ​റ്റി​വ് മ​രു​ന്നു​ക​ളു​ടെ ല​ഭ്യ​ത ഉ​റ​പ്പു​വ​രു​ത്തു​ക, ഇ​തി​നാ​വ​ശ്യ​മാ​യ ഫ​ണ്ട് വ​ക​യി​രു​ത്തു​ക, നി​ല​വി​ലു​ള്ള ആ​രോ​ഗ്യ വി​ദ്യാ​ഭ്യാ​സ മേ​ഖ​ല​യി​ൽ പാ​ലി​യേ​റ്റി​വ് കെ​യ​ർ ഉ​ൾ​പ്പെ​ടു​ത്തു​ക തു​ട​ങ്ങി​യ ആ​ഹ്വാ​ന​ങ്ങ​ൾ ഉ​ൾ​ക്കൊ​ള്ളു​ന്ന 2014 ലെ ​പ്ര​മേ​യ​ത്തി​നു ശേ​ഷം അ​ന്താ​രാ​ഷ്ട്ര​ത​ല​ത്തി​ലും പ്രാ​ദേ​ശി​ക​മാ​യും പാ​ലി​യേ​റ്റി​വ് കെ​യ​ർ രം​ഗ​ത്ത് ഒ​രു​പാ​ട് മു​ന്നേ​റാ​ൻ സാ​ധി​ച്ചി​ട്ടു​ണ്ടെ​ങ്കി​ലും ഇ​പ്പോ​ഴും ആ​വ​ശ്യ​ത്തി​ന്റെ 12 ശ​ത​മാ​നം മാ​ത്ര​മേ നി​റ​വേ​റ്റാ​ൻ സാ​ധി​ച്ചി​ട്ടു​ള്ളൂ. മു​തി​ർ​ന്ന​വ​രും കു​ട്ടി​ക​ളു​മ​ട​ക്കം 60 ദ​ശ​ല​ക്ഷ​ത്തി​ല​ധി​കം ആ​ളു​ക​ൾ​ക്ക് ഓ​രോ വ​ർ​ഷ​വും ലോ​ക​ത്ത് പാ​ലി​യേ​റ്റി​വ് കെ​യ​ർ സേ​വ​ന​ങ്ങ​ൾ ആ​വ​ശ്യ​മു​ണ്ട്. ഇ​തി​ൽ 80 ശതമാനത്തില​ധി​കം പേ​ർ താ​ഴ്ന്ന ഇ​ട​ത്ത​രം വ​രു​മാ​ന​മു​ള്ള രാ​ജ്യ​ങ്ങ​ളി​ൽ താ​മ​സി​ക്കു​ന്ന​വ​രാ​ണ്. ഉ​യ​ർ​ന്ന വ​രു​മാ​ന​മു​ള്ള രാ​ജ്യ​ങ്ങ​ളി​ൽ 50 ശ​ത​മാ​നം പേ​ർ​ക്കാ​വ​ശ്യ​മാ​യ സാ​ന്ത്വ​ന പ​രി​ച​ര​ണം ല​ഭി​ക്കു​മ്പോ​ൾ മൂ​ന്നാം ലോ​ക​രാ​ജ്യ​ങ്ങ​ളി​ൽ ആ​വ​ശ്യ​ത്തി​ന്റെ നാ​ല്​ ശ​ത​മാ​നം മാ​ത്ര​മേ നി​റ​വേ​റ്റ​പ്പെ​ടു​ന്നു​ള്ളൂ​വെ​ന്നാ​ണ് പ​ഠ​ന​ങ്ങ​ൾ സൂ​ചി​പ്പി​ക്കു​ന്ന​ത്.

രാ​ജ്യ​ത്ത് കേ​വ​ലം ര​ണ്ട്​ ശ​ത​മാ​നം പേ​ർ​ക്കു​മാ​ത്ര​മാ​ണ് ആ​വ​ശ്യ​മാ​യ അ​ള​വി​ലു​ള്ള പ​രി​ച​ര​ണം ല​ഭി​ക്കു​ന്ന​തെ​ങ്കി​ലും കേ​ര​ളം ഈ ​രം​ഗ​ത്ത് ഏ​റെ മു​ന്നി​ലാ​ണ്. 70 ശ​ത​മാ​നം പേ​ർ​ക്കും ആ​വ​ശ്യ​മാ​യ അ​ള​വി​ൽ പ​രി​ച​ര​ണം ന​ൽ​കാ​ൻ ന​മു​ക്ക് ക​ഴി​ഞ്ഞി​ട്ടു​ണ്ട്. 2008ൽ ​കേ​ര​ള​മാ​ണ്​ രാ​ജ്യ​ത്താ​ദ്യ​മാ​യി പാ​ലി​യേ​റ്റി​വ് പ​രി​ച​ര​ണ ന​യം പ്ര​ഖ്യാ​പി​ക്കു​ന്ന​ത്. 2019ൽ ​ഇ​ത് പ​രി​ഷ്ക​രി​ക്കു​ക​യും ചെ​യ്തു. ഇ​തി​ന്റെ വെ​ളി​ച്ച​ത്തി​ൽ 2023ൽ ​ഒ​രു പാ​ലി​യേ​റ്റി​വ് കെ​യ​ർ ക​ർ​മ​പ​ദ്ധ​തി സ​ർ​ക്കാ​ർ പ്ര​ഖ്യാ​പി​ക്കു​ക​യു​ണ്ടാ​യി. സ​ർ​ക്കാ​ർ മേ​ഖ​ല​യി​ൽ കൂ​ടു​ത​ൽ മെ​ഡി​ക്ക​ൽ കോ​ള​ജു​ക​ളി​ലേ​ക്ക് പാ​ലി​യേ​റ്റി​വ് കെ​യ​ർ വ്യാ​പി​പ്പി​ക്കു​ക, ഈ ​രം​ഗ​ത്ത് കൂ​ടു​ത​ൽ കോ​ഴ്സുു​ക​ൾ ആ​രം​ഭി​ക്കു​ക, ഈ ​മേ​ഖ​ല​യി​ലെ സ​ന്ന​ദ്ധ സം​ഘ​ട​ന​ക​ൾ​ക്ക് വി​വി​ധ ത​ല​ങ്ങ​ളി​ൽ അം​ഗീ​കാ​രം ന​ൽ​കു​ക, ആ​രോ​ഗ്യ പ്ര​വ​ർ​ത്ത​ക​രു​ടെ​യും സ​ന്ന​ദ്ധ പ്ര​വ​ർ​ത്ത​ക​രു​ടെ​യും ഗു​ണ​നി​ല​വാ​രം വ​ർ​ധി​പ്പി​ക്കു​ന്ന​തി​ന്​ പ​രി​ശീ​ല​ന​ങ്ങ​ൾ സം​ഘ​ടി​പ്പി​ക്കു​ക എ​ന്നി​വ​യെ​ല്ലാം ഇ​തി​ൽ ഉ​ൾ​പ്പെ​ടു​ന്നു. സ​ർ​ക്കാ​ർ സം​വി​ധാ​ന​ങ്ങ​ളും സ​ന്ന​ദ്ധ പ്ര​വ​ർ​ത്ത​ക​രും സ​മൂ​ഹ​ത്തി​ലെ ഉ​ദാ​ര​മ​തി​ക​ളും കൈ​കോ​ർ​ത്ത് സം​സ്ഥാ​ന​ത്തെ മു​ഴു​വ​ൻ കി​ട​പ്പു​രോ​ഗി​ക​ൾ​ക്കും പ​രി​ച​ര​ണം ല​ഭ്യ​മാ​ക്കാ​നും ക​ർ​മ​പ​ദ്ധ​തി ല​ക്ഷ്യ​മി​ടു​ന്നു.

സം​സ്ഥാ​ന സ​ർ​ക്കാ​റി​ന്റെ ന​വ​കേ​ര​ള ക​ർ​മ​പ​ദ്ധ​തി 2 ന്റെ ​ഭാ​ഗ​മാ​യി ആ​ർ​ദ്രം മി​ഷ​നി​ലൂ​ടെ ആ​വി​ഷ്ക​രി​ച്ച് ന​ട​പ്പാ​ക്കി​വ​രു​ന്ന ’അ​ല്പം ശ്ര​ദ്ധ ആ​രോ​ഗ്യം ഉ​റ​പ്പ് ’ ജീ​വി​ത​ശൈ​ലി രോ​ഗ നി​യ​ന്ത്ര​ണ പ​ദ്ധ​തി​യി​ലൂ​ടെ 30 വ​യ​സ്സി​നു മു​ക​ളി​ൽ പ്രാ​യ​മു​ള്ള എ​ല്ലാ ജ​ന​ങ്ങ​ളു​ടെ​യും ആ​രോ​ഗ്യ​വി​വ​ര​ങ്ങ​ൾ ആ​ശാ​പ്ര​വ​ർ​ത്ത​ക​ർ മു​ഖേ​ന ശൈ​ലി എ​ന്ന പേ​രി​ൽ രൂ​പം കൊ​ടു​ത്ത ആ​പ്​ വ​ഴി ശേ​ഖ​രി​ച്ചി​രു​ന്നു. ഗു​രു​ത​ര രോ​ഗം ബാ​ധി​ച്ച് ക​ട്ടി​ലി​ൽ ത​ന്നെ ക​ഴി​യു​ന്ന​വ​ർ, പു​റ​ത്തി​റ​ങ്ങാ​ൻ ക​ഴി​യാ​തെ വീ​ട്ടി​നു​ള്ളി​ൽ ക​ഴി​യു​ന്ന​വ​ർ, ഗു​രു​ത​ര രോ​ഗ​ങ്ങ​ൾ​ക്ക് മ​രു​ന്ന് ക​ഴി​ക്കു​ന്ന​വ​ർ, മ​രു​ന്നു​ക​ളൊ​ന്നും ക​ഴി​ക്കാ​ത്ത​വ​ർ എ​ന്നി​ങ്ങ​നെ നാ​ല്​ വി​ഭാ​ഗ​മാ​യി തി​രി​ച്ചാ​ണ് ക​ണ​ക്കെ​ടു​പ്പ് ന​ട​ത്തി​യ​ത്. ഇ​വ​രി​ൽ ഒ​ന്നും ര​ണ്ടും കാ​റ്റ​ഗ​റി​യി​ൽ വ​രു​ന്ന​വ​ർ​ക്ക് പാ​ലി​യേ​റ്റി​വ് പ​രി​ച​ര​ണം അ​ത്യാ​വ​ശ്യ​മാ​ണ്. മൂ​ന്നാം കാ​റ്റ​ഗ​റി​യി​ൽ വ​രു​ന്ന​വ​ർ​ക്ക് ആ​വ​ശ്യാ​നു​സ​ര​ണം പ​രി​ച​ര​ണം ന​ൽ​കേ​ണ്ട​തു​ണ്ട്.

ക​ണ​ക്കെ​ടു​പ്പി​ൽ 30 വ​യ​സ്സി​നു മു​ക​ളി​ലു​ള്ള​വ​രി​ൽ 0.7 ശ​ത​മാ​നം ഒ​ന്നാം കാ​റ്റ​ഗ​റി​യി​ലും 1.4 ശ​ത​മാ​നം ര​ണ്ടാം കാ​റ്റ​ഗ​റി​യി​ലു​മു​ണ്ടെ​ന്നാ​ണ് വ്യ​ക്ത​മാ​യ​ത്. അ​താ​യ​ത് സം​സ്ഥാ​ന​ത്ത് 30 വ​യ​സ്സി​നു മു​ക​ളി​ലു​ള്ള 50 ശ​ത​മാ​നം ആ​ളു​ക​ളു​ണ്ടെ​ന്ന് ക​ണ​ക്കാ​ക്കി​യാ​ൽ ഏ​താ​ണ്ട് 3,70,000 പേ​ർ ഗൃ​ഹ​കേ​ന്ദ്രീ​കൃ​ത പ​രി​ച​ര​ണം ആ​വ​ശ്യ​മു​ള്ള​വ​രാ​ണ്. ചു​രു​ക്ക​ത്തി​ൽ ഓ​രോ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ കീ​ഴി​ലും ഏ​ക​ദേ​ശം 300 മു​ത​ൽ 400 വ​രെ രോ​ഗി​ക​ൾ. നി​ല​വി​ലെ സാ​ഹ​ച​ര്യ​ത്തി​ൽ ഇ​വ​രു​ടെ പ​രി​ച​ര​ണം സ​ർ​ക്കാ​ർ സം​വി​ധാ​ന​ങ്ങ​ളി​ലൂ​ടെ മാ​ത്രം സാ​ധ്യ​മ​ല്ല. അ​തി​നാ​ലാ​ണ് പൊ​തു കൂ​ട്ടാ​യ്മ​ക​ളു​ടെ സ​ഹ​ക​ര​ണ​ത്തോ​ടെ പു​തി​യ പാ​ലി​യേ​റ്റി​വ് കെ​യ​ർ ക​ർ​മ​പ​ദ്ധ​തി​യി​ലൂ​ടെ ഈ ​പോ​രാ​യ്​​മ പ​രി​ഹ​രി​ക്കാ​ൻ സ​ർ​ക്കാ​ർ ല​ക്ഷ്യ​മി​ടു​ന്ന​ത്.

സം​സ്ഥാ​ന​ത്തെ പ​രി​ച​ര​ണം ആ​വ​ശ്യ​മാ​യ മു​ഴു​വ​ൻ രോ​ഗി​ക​ൾ​ക്കും മ​തി​യാ​യ പ​രി​ച​ര​ണം ല​ഭ്യ​മാ​ക്കാ​ൻ ന​മു​ക്കൊ​ന്നാ​യി കൈ ​കോ​ർ​ക്കാം. ഈ ​പാ​ലി​യേ​റ്റി​വ് കെ​യ​ർ ദി​നം അ​തി​ന്​ തു​ട​ക്ക​മാ​വ​​ട്ടെ.

(ഇ​ന്ത്യ​ൻ അ​സോ​സി​യേ​ഷ​ൻ ഓ​ഫ് പാ​ലിയേ​റ്റി​വ് കെ​യ​ർ കേ​ര​ള വൈ​സ്​ പ്ര​സി​ഡ​ന്റും എ​റ​ണാ​കു​ള​ത്തെ ത​ണ​ൽ പാ​ലി​യേ​റ്റി​വ് ആ​ൻ​ഡ് പാ​രാ​പ്ലീ​ജി​ക് കെ​യ​ർ സൊ​സൈ​റ്റി ജ​ന​റ​ൽ സെ​ക്ര​ട്ട​റി​യു​മാ​ണ് ലേ​ഖ​ക​ൻ)