തി​രു​വ​ന​ന്ത​പു​രം: അ​മീ​ബി​ക് മ​സ്തി​ഷ്‌​ക ജ്വ​രം ബാ​ധി​ച്ച് ഗു​രു​ത​രാ​വ​സ്ഥ​യി​ലാ​യി​രു​ന്ന രോ​ഗി​യെ​യും നി​ല മെ​ച്ച​പ്പെ​ട്ട​തി​നെ തു​ട​ർ​ന്ന് ഐ.​സി.​യു​വി​ൽ നി​ന്ന് വാ​ർ​ഡി​ലേ​ക്ക് മാ​റ്റി. പേ​രൂ​ർ​ക്ക​ട മ​ണ്ണാ​മൂ​ല സ്വ​ദേ​ശി നി​ജി​ത്തി​ന്‍റെ നി​ല​യാ​ണ് മെ​ച്ച​പ്പെ​ട്ട​ത്. തി​ങ്ക​ളാ​ഴ്ച​യാ​ണ് രോ​ഗം സ്ഥി​രീ​ക​രി​ച്ച​ത്.

അ​ബോ​ധാ​വ​സ്ഥ​യി​ൽ ബ​ന്ധു​ക്ക​ൾ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ​ത്തി​ച്ച നി​ജി​ത്ത് അ​തീ​വ ഗു​രു​ത​രാ​വ​സ്ഥ​യി​ൽ ഐ.​സി.​യു​വി​ൽ ചി​കി​ത്സ​യി​ലാ​യി​രു​ന്നു. ആ​ദ്യ​ഘ​ട്ട​ത്തി​ൽ മ​രു​ന്നു​ക​ളോ​ട് കൃ​ത്യ​മാ​യി പ്ര​തി​ക​രി​ച്ചി​രു​ന്നി​ല്ല. തീ​വ്ര​പ​രി​ച​ര​ണ​ത്തി​ലൂ​ടെ​യാ​ണ് ര​ക്ഷ​പ്പെ​ടു​ത്തി​യ​ത്. അ​തേ​സ​മ​യം തു​ട​ർ​ച്ച​യാ​യ മൂ​ന്നാം ദി​വ​സ​വും പു​തി​യ രോ​ഗി​ക​ളി​ല്ലാ​ത്ത​ത് ആ​ശ്വാ​സ​മാ​ണ്. നി​രീ​ക്ഷ​ണ​ത്തി​ലു​ള്ള​വ​രു​ടെ ആ​ദ്യ​ഫ​ല​ങ്ങ​ൾ നെ​ഗ​റ്റീ​വാ​യി​രു​ന്നു. ഇ​വ​ർ​ക്ക് ല​ക്ഷ​ണ​ങ്ങ​ൾ കു​റ​ഞ്ഞു​വ​രു​ന്ന​തി​നാ​ൽ വൈ​റ​സ് ബാ​ധ​യി​ല്ലെ​ന്ന നി​ഗ​മ​ന​ത്തി​ലാ​ണ് ഡോ​ക്ട​ർ​മാ​ർ.

ത​ല​സ്ഥാ​ന​ത്ത് ആ​ദ്യ​മാ​യി രോ​ഗം ബാ​ധി​ച്ച് നെ​യ്യാ​റ്റി​ൻ​ക​ര അ​തി​യ​ന്നൂ​ർ മ​രു​തം​കോ​ട് സ്വ​ദേ​ശി അ​ഖി​ൽ (27) ജൂ​ലൈ 23ന് ​മ​രി​ച്ചി​രു​ന്നു. തു​ട​ർ​ന്ന് ഇ​യാ​ളു​ടെ സു​ഹൃ​ത്തു​ക്ക​ളാ​യ അ​ഞ്ചു​പേ​ർ​ക്ക് കൂ​ടി രോ​ഗം ബാ​ധി​ച്ചു. രോ​ഗി​ക​ൾ വ​ർ​ധി​ച്ച​തോ​ടെ പ്ര​ത്യേ​ക മെ​ഡി​ക്ക​ൽ ബോ​ർ​ഡ് രൂ​പ​വ​ത്ക​രി​ച്ചാ​യി​രു​ന്നു ചി​കി​ത്സ. നി​ല​വി​ൽ ചി​കി​ത്സ​യു​ള്ള എ​ല്ലാ​വ​രും അ​പ​ക​ട​നി​ല ത​ര​ണം ചെ​യ്തു. നി​രീ​ക്ഷ​ണ​ത്തി​ലു​ള്ള ര​ണ്ടു​പേ​ർ ആ​ശു​പ​ത്രി​യി​ൽ തു​ട​രു​ക​യാ​ണ്. ജ​ർ​മ​നി​യി​ൽ നി​ന്നെ​ത്തി​ച്ച മ​രു​ന്നു​ൾ​പ്പ​ടെ സം​യു​ക്ത​മാ​ണ് രോ​ഗി​ക​ൾ​ക്ക് ന​ൽ​കു​ന്ന​ത്. ഇ​തി​നി​ടെ കേ​ര​ള​ത്തി​ൽ വ​ർ​ധി​ക്കു​ന്ന അ​മീ​ബി​ക് മ​സ്തി​ഷ്ക ജ്വ​രം സം​ബ​ന്ധി​ച്ച് ഐ.​സി.​എം.​ആ​ർ പ​ഠ​നം ന​ട​ത്തും.

ആ​രോ​ഗ്യ​വ​കു​പ്പ് സെ​ക്ര​ട്ട​റി​യു​ടെ ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ് വി​ദ​ഗ്ദ​സം​ഘ​ത്തെ നി​യോ​ഗി​ച്ച​ത്. ഡോ. ​അ​നൂ​പി​ന്‍റെ നേ​തൃ​ത്വ​ത്തി​ലു​ള്ള സം​ഘ​ത്തെ നി​യോ​ഗി​ച്ച​താ​യി ഐ.​സി.​എം.​ആ​ർ സം​സ്ഥാ​ന സ​ർ​ക്കാ​റി​നെ അ​റി​യി​ച്ചു. സം​സ്ഥാ​ന​ത്തെ ജ​ലാ​ശ​യ​ങ്ങ​ളി​ൽ അ​മീ​ബ​യു​ടെ സാ​ന്ദ്ര​ത സം​ബ​ന്ധി​ച്ചും പ​ഠ​നം ന​ട​ത്തും.

അ​പൂ​ർ​വ രോ​ഗ​മാ​ണെ​ന്ന​തി​നാ​ൽ ചി​കി​ത്സ​ക്കാ​യി ആ​രോ​ഗ്യ​വ​കു​പ്പ് പ്ര​ത്യേ​ക മാ​ർ​ഗ​രേ​ഖ നേ​ര​ത്തെ പു​റ​ത്തി​റ​ക്കി​യി​രു​ന്നു. പ്ര​തി​രോ​ധം, രോ​ഗ​നി​ര്‍ണ​യം, ചി​കി​ത്സ എ​ന്നി​വ സം​ബ​ന്ധി​ച്ച സാ​ങ്കേ​തി​ക മാ​ര്‍ഗ​രേ​ഖ​യാ​ണി​ത്. രോ​ഗ​ത്തെ​പ്പ​റ്റി ശാ​സ്ത്രീ​യ​പ​ഠ​ന​ങ്ങ​ളും പ​ഠ​ന​ഫ​ല​ങ്ങ​ളും വ​ള​രെ കു​റ​വാ​ണ്. ഈ ​സാ​ഹ​ച​ര്യ​ത്തി​ലാ​ണ് സം​സ്ഥാ​നം സ്വ​ന്തം നി​ല​യി​ല്‍ നി​ല​വി​ലു​ള്ള ശാ​സ്ത്രീ​യ പ​ഠ​ന​ങ്ങ​ളു​ടേ​യും നി​രീ​ക്ഷ​ണ​ങ്ങ​ളു​ടേ​യും അ​ടി​സ്ഥാ​ന​ത്തി​ല്‍ സ​മ​ഗ്ര മാ​ര്‍ഗ​രേ​ഖ ത​യാ​റാ​ക്കി​യ​ത്.

സ്വ​കാ​ര്യ ആ​ശു​പ​ത്രി​ക​ള്‍ക്കും ഈ ​മാ​ര്‍ഗ​രേ​ഖ ബാ​ധ​ക​മാ​ണ്. കെ​ട്ടി​ക്കി​ട​ക്കു​ന്ന​തോ ഒ​ഴു​കു​ന്ന​തോ ആ​യ ജ​ല സ്രോ​ത​സ്സു​ക​ളു​മാ​യി ബ​ന്ധ​പ്പെ​ടു​ന്ന ആ​ള്‍ക്കാ​രി​ല്‍ വ​ള​രെ അ​പൂ​ര്‍വ​മാ​യി കാ​ണു​ന്ന രോ​ഗ​മാ​ണ് അ​മീ​ബി​ക്ക് മ​സ്തി​ഷ്ക​ജ്വ​രം. ഇ​ത്ത​രം വെ​ള്ള​വു​മാ​യി സ​മ്പ​ര്‍ക്ക​ത്തി​ല്‍ വ​രു​ന്ന​വ​രി​ല്‍ 26 ല​ക്ഷ​ത്തി​ല്‍ ഒ​രാ​ള്‍ക്ക് മാ​ത്ര​മാ​ണ് രോ​ഗം വ​രു​ന്ന​തെ​ന്നാ​ണ് ക​ണ​ക്കു​ക​ള്‍ സൂ​ചി​പ്പി​ക്കു​ന്ന​ത്. 97 ശ​ത​മാ​ന​ത്തി​ല​ധി​കം മ​ര​ണ​നി​ര​ക്കു​ള്ള രോ​ഗ​മാ​ണി​ത്. ആ​ഗോ​ള ത​ല​ത്തി​ൽ രോ​ഗ​ബാ​ധി​ത​രി​ൽ 11 ശ​ത​മാ​നം പേ​ർ മാ​ത്ര​മാ​ണ് ര​ക്ഷ​പ്പെ​ട്ട​ത്.