മ​ല​പ്പു​റം: മ​ഞ്ഞ​പ്പി​ത്തം ബാ​ധി​ച്ച് (വൈ​റ​ൽ ഹെ​പ്പ​റ്റൈ​റ്റി​സ്) എട്ട് പേർ മരിച്ച സാ​ഹ​ച​ര്യ​ത്തി​ൽ ഏറെ ജാ​ഗ്ര​ത പാ​ലി​ക്ക​ണ​മെ​ന്ന് മെ​ഡി​ക്ക​ൽ ഓ​ഫി​സ​ർ ഡോ. ​ആ​ർ. രേ​ണു​ക അ​റി​യി​ച്ചു. പുതിയ സാഹചര്യത്തിൽ തിങ്കളാഴ്ച അടിയന്തരയോഗം ജില്ല മെഡിക്കൽ ഓഫീസറുടെ നേതൃത്വത്തിൽ നടക്കും. ജില്ലയിൽ ഞായറാഴ്ച രണ്ട് പേരാണ് മഞ്ഞപ്പിത്തം ബാധിച്ച് മരിച്ചത്.

മലപ്പുറം ജില്ലയിൽ കഴിഞ്ഞ അഞ്ച് മാസത്തിനിടെ എട്ട് പേരുടെ മരണമാണ് റിപ്പോർട്ട് ചെയ്തത്. 3000ത്തിലധികം കേസുകളും റിപ്പോര്‍ട്ട് ചെയ്തു. നിലമ്പൂർ മേഖലയിൽ രോഗം ശക്തമാകുന്ന സാഹചര്യത്തിൽ ജനങ്ങൾ ആശങ്കയിലാണ്. ജി​ല്ല​യി​ൽ ഈ ​വ​ർ​ഷം ജ​നു​വ​രി മു​ത​ൽ 3184 സം​ശ​യാ​സ്പ​ദ​മാ​യ വൈ​റ​ൽ ഹെ​പ്പ​റ്റൈ​റ്റി​സ് കേ​സു​ക​ളും 1032 സ്ഥി​രീ​ക​രി​ച്ച കേ​സു​ക​ളും റി​പ്പോ​ർ​ട്ട് ചെ​യ്തി​ട്ടു​ണ്ട്. സം​ശാ​സ്പ​ദ​മാ​യ അ​ഞ്ച് മ​ര​ണ​ങ്ങ​ളും സ്ഥി​രീ​ക​രി​ച്ചി​ട്ടു​ണ്ട്. ഏ​റ്റ​വും കൂ​ടു​ത​ൽ കേ​സു​ക​ൾ റി​പ്പോ​ർ​ട്ട് ചെ​യ്ത​ത് പോ​ത്തു​ക​ല്ല്, കു​ഴി​മ​ണ്ണ, ഒ​മാ​നൂ​ർ, പൂ​ക്കോ​ട്ടൂ​ർ, മൊ​റ​യൂ​ർ, പെ​രു​വ​ള്ളൂ​ർ എ​ന്നീ പ​ഞ്ചാ​യ​ത്തു​ക​ളി​ലും മ​ല​പ്പു​റം ന​ഗ​ര​സ​ഭ​യി​ലും ആ​ണ്.

എ​ന്താ​ണ് വൈ​റ​ൽ ഹെ​പ്പ​റ്റൈ​റ്റി​സ്

വൈ​റ​സ് വി​ഭാ​ഗ​ത്തി​ൽ​പ്പെ​ട്ട സൂ​ക്ഷ്മ ജീ​വി​ക​ളു​ണ്ടാ​ക്കു​ന്ന രോ​ഗ​മാ​ണ് വൈ​റ​ൽ ഹെ​പ്പ​റ്റൈ​റ്റി​സ്. പ​നി, വി​ശ​പ്പി​ല്ലാ​യ്മ, ഓ​ക്കാ​നം, ഛർ​ദി, ക​ണ്ണി​നു മ​ഞ്ഞ​നി​റം, മൂ​ത്ര​ത്തി​ന് മ​ഞ്ഞ​നി​റം തു​ട​ങ്ങി​യ​വ​യാ​ണ് സാ​ധാ​ര​ണ ല​ക്ഷ​ണ​ങ്ങ​ൾ. രോ​ഗം ഗു​രു​ത​ര​മാ​യാ​ൽ ക​ര​ളി​ന്‍റെ പ്ര​വ​ർ​ത്ത​ന​ത്തി​നെ ബാ​ധി​ച്ച് മ​ര​ണം വ​രെ സം​ഭ​വി​ക്കാം. അ​തി​നാ​ൽ ത​ന്നെ രോ​ഗ ല​ക്ഷ​ണ​ങ്ങ​ളെ അ​വ​ഗ​ണി​ക്കാ​തെ ശാ​സ്ത്രീ​യ​മാ​യ ചി​കി​ത്സാ​രീ​തി​ക​ൾ തേ​ട​ണം.

പ്ര​തി​രോ​ധ മാ​ർ​ഗ​ങ്ങ​ൾ

തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കാ​നു​പ​യോ​ഗി​ക്കു​ക
ആ​ഹാ​രം പാ​കം​ചെ​യ്യു​ന്ന​തി​നും വി​ള​മ്പു​ന്ന​തി​നും ക​ഴി​ക്കു​ന്ന​തി​നും മു​മ്പും ശൗ​ചാ​ല​യം ഉ​പ​യോ​ഗി​ച്ച​ശേ​ഷ​വും പു​റ​ത്തു​പോ​യി വ​ന്ന​ശേ​ഷ​വും കൈ​ക​ൾ സോ​പ്പു​പ​യോ​ഗി​ച്ച് ക​ഴു​കു​ക
കി​ണ​റി​ന് ചു​റ്റു​മു​ള്ള പ​രി​സ​ര​ങ്ങ​ളി​ൽ വൃ​ത്തി​ഹീ​ന​മാ​യ രീ​തി​യി​ൽ വെ​ള്ളം കെ​ട്ടി​ക്കി​ട​ക്കാ​തെ​യും കി​ണ​റി​ലെ വെ​ള്ളം മ​ലി​ന​മാ​കാ​തെ​യും സൂ​ക്ഷി​ക്കു​ക. മ​ഞ്ഞ​പ്പി​ത്ത ബാ​ധ​യു​ള്ള പ്ര​ദേ​ശ​ങ്ങ​ളി​ൽ കു​ടി​വെ​ള്ള സ്രോ​ത​സ്സു​ക​ൾ സൂ​പ്പ​ർ ക്ലോ​റി​നേ​റ്റ് ചെ​യ്യു​ക.
വൃ​ത്തി​ഹീ​ന സാ​ഹ​ച​ര്യ​ത്തി​ൽ പാ​ച​കം​ചെ​യ്ത ആ​ഹാ​ര​സാ​ധ​ന​ങ്ങ​ളും ശീ​ത​ള​പാ​നീ​യ​ങ്ങ​ളും പ​ഴ​കി​യ​തും മ​ലി​ന​മാ​യ​തു​മാ​യ ആ​ഹാ​ര​വും ക​ഴി​ക്കാ​തി​രി​ക്കു​ക
പ​ഴ​വ​ർ​ഗ​ങ്ങ​ളും പ​ച്ച​ക്ക​റി​ക​ളും ന​ല്ല​വ​ണ്ണം ക​ഴു​കി​യ​ശേ​ഷം മാ​ത്രം ഉ​പ​യോ​ഗി​ക്കു​ക
തു​റ​സ്സാ​യ സ്ഥ​ല​ത്ത് മ​ല​മൂ​ത്ര​വി​സ​ർ​ജ​നം ചെ​യ്യാ​തി​രി​ക്കു​ക
കു​ഞ്ഞു​ങ്ങ​ളു​ടെ വി​സ​ർ​ജ്യ​ങ്ങ​ൾ ശൗ​ചാ​ല​യ​ത്തി​ലൂ​ടെ മാ​ത്രം നീ​ക്കം​ചെ​യ്യു​ക
വീ​ട്ടു​പ​രി​സ​ര​ത്ത് ച​പ്പു​ച​വ​റു​ക​ൾ കു​ന്നു​കൂ​ടാ​തെ ശ്ര​ദ്ധി​ക്കു​ക. ഈ​ച്ച​ശ​ല്യം ഒ​ഴി​വാ​ക്കു​ക.
രോ​ഗ​ബാ​ധ​യു​ള്ള പ്ര​ദേ​ശ​ങ്ങ​ളി​ൽ സ്കൂ​ളു​ക​ളി​ലും കോ​ള​ജു​ക​ളി​ലും ജോ​ലി​സ്ഥ​ല​ങ്ങ​ളി​ലും മ​റ്റും ഭ​ക്ഷ​ണ​വും കു​ടി​വെ​ള്ള​വും പ​ങ്കു​വെ​ച്ച്​ ക​ഴി​ക്കു​ന്ന​ത്‌ ഒ​ഴി​വാ​ക്കു​ക
ആ​ഹാ​ര​സാ​ധ​ന​ങ്ങ​ളും കു​ടി​വെ​ള്ള​വും എ​പ്പോ​ഴും അ​ട​ച്ചു​സൂ​ക്ഷി​ക്കു​ക