നി​യ​മ​ലം​ഘ​നത്തിന് അറസ്റ്റ്: മ​ല​യാ​ളി​ക​ൾ ഉ​ൾ​പ്പെ​ടെ ന​ഴ്സു​മാ​രും ആ​രോ​ഗ്യ ജീ​വ​ന​ക്കാ​രും മോ​ചി​ത​രാ​യി

കു​വൈ​ത്ത് സി​റ്റി: കു​വൈ​ത്ത് സി​റ്റി​യി​ലെ സ്വ​കാ​ര്യ ക്ലി​നി​ക്കി​ല്‍ ജോ​ലി നോ​ക്കി​യി​രു​ന്ന 19 മ​ല​യാ​ളി​ക​ള്‍ അ​ട​ക്ക​മു​ള്ള ആ​രോ​ഗ്യ പ്ര​വ​ര്‍ത്ത​ക​ര്‍ മോ​ചി​ത​രാ​യി. ഏ​റെ അ​നി​ശ്ചി​ത​ത്വ​ങ്ങ​ള്‍ക്കൊ​ടു​വി​ലാ​ണ് ക​ഴി​ഞ്ഞ 21 ദി​വ​സ​മാ​യി പൊ​ലീ​സ് കേ​ന്ദ്ര​ത്തി​ല്‍ ക​ഴി​ഞ്ഞി​രു​ന്ന മ​ല​യാ​ളി ന​ഴ്സു​മാ​ര്‍ അ​ട​ക്ക​മു​ള്ള​വ​ര്‍ പു​റ​ത്തി​റ​ങ്ങി​യ​ത്. സെ​പ്റ്റം​ബ​ര്‍ 13ന് ​കു​വൈ​ത്ത് ആ​ഭ്യ​ന്ത​ര, തൊ​ഴി​ല്‍, ആ​രോ​ഗ്യ മ​ന്ത്രാ​ല​യ​ങ്ങ​ൾ സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യി​ലാ​ണ് ന​ഴ്സു​മാ​ര്‍ അ​ട​ക്ക​മു​ള്ള ആ​രോ​ഗ്യ പ്ര​വ​ര്‍ത്ത​ക​രെ പി​ടി​കൂ​ടി​യ​ത്.

ഇ​ന്ത്യ​ക്കു​പു​റ​മെ ഫി​ലി​പ്പീ​ൻ​സ്, ഈ​ജി​പ്ത്, ഇ​റാ​ൻ എ​ന്നീ രാ​ജ്യ​ങ്ങ​ളി​ൽ​നി​ന്നു​ള്ള ആ​രോ​ഗ്യ ജീ​വ​ന​ക്കാ​രാ​ണ് പി​ടി​ക്ക​പ്പെ​ട്ട​ത്. പി​ടി​യി​ലാ​യ​വ​രി​ല്‍ ചി​ല​ര്‍ ലൈ​സ​ൻ​സും യ​ഥാ​ർ​ഥ തൊ​ഴി​ൽ വി​സ​യു​മി​ല്ലാ​തെ ആ​രോ​ഗ്യ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​രാ​ണെ​ന്ന് അ​ധി​കൃ​ത​ര്‍ നേ​ര​ത്തെ വ്യ​ക്ത​മാ​ക്കി​യി​രു​ന്നു. വി​ഷ​യ​ത്തി​ല്‍ അ​ടി​യ​ന്ത​ര​മാ​യി ഇ​ട​പെ​ട്ട വി​ദേ​ശ​കാ​ര്യ സ​ഹ​മ​ന്ത്രി വി. ​മു​ര​ളീ​ധ​ര​ന്‍, മ​ല​യാ​ളി​ക​ള്‍ അ​ട​ക്ക​മു​ള്ള ന​ഴ്സു​മാ​രു​ടെ മോ​ച​നം ഉ​ട​ന്‍ ഉ​ണ്ടാ​കു​മെ​ന്ന് സൂ​ച​ന ന​ല്‍കി​യി​രു​ന്നു.

കു​വൈ​ത്തി​ലെ ഇ​ന്ത്യ​ൻ എം​ബ​സി​യു​ടെ​യും സ​ര്‍ക്കാ​റി​ന്‍റെ​യും ഇ​ട​പെ​ട​ലി​നെ തു​ട​ര്‍ന്ന് കൈ​ക്കു​ഞ്ഞു​ങ്ങ​ള്‍ ഉ​ള്ള​വ​ര്‍ക്ക് അ​വ​രെ കാ​ണാ​നും ജ​യി​ലി​ല്‍ മു​ല​യൂ​ട്ടാ​നും അ​ധി​കൃ​ത​ർ അ​നു​മ​തി ന​ല്‍കി​യി​രു​ന്നു. ത​ങ്ങ​ളു​ടെ മോ​ച​ന​ത്തി​നാ​യി ശ്ര​മി​ച്ച വി​ദേ​ശ​കാ​ര്യ സ​ഹ​മ​ന്ത്രി​ക്കും ഇ​ന്ത്യ​ന്‍ എം​ബ​സി​ക്കും കു​വൈ​ത്ത് ഭ​ര​ണാ​ധി​കാ​രി​ക​ള്‍ക്കും സാ​മൂ​ഹി​ക പ്ര​വ​ര്‍ത്ത​ക​ര്‍ക്കും ന​ഴ്സു​മാ​ര്‍ ന​ന്ദി പ​റ​ഞ്ഞു.

സ​​ന്തോ​ഷം അ​റി​യി​ച്ച് ഇ​ന്ത്യ​ൻ എം​ബ​സി

കു​​​വൈ​ത്ത് സി​റ്റി: മ​ല​യാ​ളി​ക​ളു​ൾ​​പ്പെ​ടെ 34 ഇ​ന്ത്യ​ൻ ന​ഴ്സു​മാ​രെ വി​ട്ട​യ​ച്ച​തി​ൽ സ​​ന്തോ​ഷം അ​റി​യി​ച്ച് ഇ​ന്ത്യ​ൻ എം​ബ​സി. സെ​പ്റ്റം​ബ​ർ 12ന് ​ത​ട​വി​ലാ​ക്കി​യ 34 ഇ​ന്ത്യ​ൻ ന​ഴ്‌​സു​മാ​രെ​യും മെ​ഡി​ക്ക​ൽ സ്റ്റാ​ഫി​നെ​യും വി​ട്ട​യ​ച്ച​ത് എ​ല്ലാ ബ​ന്ധ​പ്പെ​ട്ട അ​ധി​കാ​രി​ക​ളു​മാ​യി എം​ബ​സി​യു​ടെ ഇ​ട​പെ​ട​ലി​ന്റെ അ​ടി​സ്ഥാ​ന​ത്തി​ലാ​ണ്. മ​ന്ത്രി വി. ​മു​ര​ളീ​ധ​ര​ൻ നേ​രി​ട്ട് കേ​സ് നി​രീ​ക്ഷി​ച്ചു വ​രു​ക​യാ​യി​രു​ന്നു. കു​വൈ​ത്തി​ലു​ള്ള ഇ​ന്ത്യ​ൻ പൗ​ര​ന്മാ​രു​ടെ ക്ഷേ​മ​ത്തി​നും സു​ര​ക്ഷ​ക്കും സാ​ധ്യ​മാ​യ എ​ല്ലാ സ​ഹാ​യ​വും ന​ൽ​കാ​ൻ എം​ബ​സി പ്ര​തി​ജ്ഞാ​ബ​ദ്ധ​മാ​​ണെ​ന്നും എം​ബ​സി അ​ധി​കൃ​ത​ർ ട്വി​റ്റ​റി​ൽ കു​റി​ച്ചു.