നിപ: പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ ഊർജിതം

മ​ല​പ്പു​റം: നി​പ ബാ​ധി​ച്ച്​ 14കാ​ര​ൻ മ​രി​ച്ച സാ​ഹ​ച​ര്യ​ത്തി​ൽ ജി​ല്ല​യി​ൽ ജാ​ഗ്ര​ത​യോ​ടെ ആ​രോ​ഗ്യ​വ​കു​പ്പ്. നി​ല​വി​ൽ പു​റ​ത്തു​വ​ന്ന പ​രി​ശോ​ധ​ന ഫ​ല​ങ്ങ​ൾ നെ​ഗ​റ്റി​വ്​ ആ​യ​തോ​ടെ ആ​ശ​ങ്ക വേ​ണ്ടെ​ന്നും എ​ന്നാ​ൽ ജാ​ഗ്ര​ത തു​ട​ര​ണ​മെ​ന്നു​മാ​ണ്​ ആ​രോ​ഗ്യ വ​കു​പ്പി​ന്‍റെ നി​ർ​ദേ​ശം. രോ​ഗ പ്ര​തി​രോ​ധ പ്ര​വ​ര്‍ത്ത​ന​ങ്ങ​ളു​ടെ ഭാ​ഗ​മാ​യി ഫീ​ല്‍ഡ് ത​ല​ത്തി​ല്‍ ശ​ക്ത​മാ​യ പ്ര​തി​രോ​ധ പ്ര​വ​ര്‍ത്ത​ന​ങ്ങ​ളാ​ണ് ന​ട​ന്നു​വ​രു​ന്ന​ത്. പാ​ണ്ടി​ക്കാ​ട് ഗ്രാ​മ​പ​ഞ്ചാ​യ​ത്തി​ല്‍ 307 വീ​ടു​ക​ളി​ല്‍ സ​ർ​വേ ന​ട​ത്തി​യ​തി​ല്‍ 18 പ​നി​ക്കേ​സു​ക​ള്‍ റി​പ്പോ​ര്‍ട്ട് ചെ​യ്തി​ട്ടു​ണ്ട്. ആ​ന​ക്ക​യ​ത്ത് 310 വീ​ടു​ക​ളി​ല്‍ സ​ർ​വേ​യി​ല്‍ 10 പ​നി​ക്കേ​സു​ക​ളും റി​പ്പോ​ര്‍ട്ട് ചെ​യ്തു.

ഇ​വ​രാ​രും സ​മ്പ​ര്‍ക്ക പ​ട്ടി​ക​യി​ല്‍ ഉ​ള്‍പ്പെ​ട്ട​വ​ര​ല്ല. രോ​ഗ പ്ര​തി​രോ​ധ പ്ര​വ​ര്‍ത്ത​ന​ങ്ങ​ള്‍ കൃ‍ത്യ​മാ​യി ന​ട​ത്താ​നും ഐ​സൊ​ലേ​ഷ​നി​ല്‍ ക​ഴി​യു​ന്ന​വ​ര്‍ക്ക് പി​ന്തു​ണ ഉ​റ​പ്പാ​ക്കാ​നു​മാ​യി പാ​ണ്ടി​ക്കാ​ട്, ആ​ന​ക്ക​യം, പോ​രൂ​ര്‍, കീ​ഴാ​റ്റൂ​ര്‍, തു​വ്വൂ​ര്‍ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റു​മാ​രു​ടെ​യും പെ​രി​ന്ത​ല്‍മ​ണ്ണ, മ​ഞ്ചേ​രി ന​ഗ​ര​സ​ഭ അ​ധ്യ​ക്ഷ​രു​ടെ​യും യോ​ഗം ഓ​ണ്‍ലൈ​നാ​യി ചേ​ര്‍ന്നു. ഇ​ന്ത്യ​ന്‍ മെ​ഡി​ക്ക​ല്‍ അ​സോ​സി​യേ​ഷ​ന്‍, സ്വ​കാ​ര്യ ആ​ശു​പ​ത്രി മാ​നേ​ജ്മെ​ന്റ് എ​ന്നി​വ​രു​ടെ യോ​ഗം ചേ​ര്‍ന്ന് നി​പ പ്ര​തി​രോ​ധ​ന​ത്തി​ല്‍ ഇ​വ​രു​ടെ പി​ന്തു​ണ ഉ​റ​പ്പാ​ക്കി​യി​ട്ടു​ണ്ട്. ഐ​സൊ​ലേ​ഷ​ന്‍ ക​ഴി​യു​ന്ന​വ​രു​ടെ വീ​ടു​ക​ളി​ല്‍ ഭ​ക്ഷ​ണം എ​ത്തി​ക്കാ​നു​ള്ള സ​ജ്ജീ​ക​ര​ണ​ങ്ങ​ള്‍ ഉ​റ​പ്പാ​ക്കി​യി​ട്ടു​ണ്ട്. ഇ​വ​രു​ടെ വ​ള​ര്‍ത്തു മൃ​ഗ​ങ്ങ​ള്‍ക്കും ഭ​ക്ഷ​ണം ല​ഭി​ക്കു​ന്നു എ​ന്ന് ഉ​റ​പ്പാ​ക്കി.

നൊമ്പരപ്പെടുത്തി മടക്കം

പാ​ണ്ടി​ക്കാ​ട്: ചെ​മ്പ്ര​ശ്ശേ​രി​യി​ൽ നി​പ ബാ​ധി​ച്ച് മ​രി​ച്ച പ​തി​നാ​ലു​കാ​ര​ന് ഒ​ടോ​മ്പ​റ്റ പ​ഴ​യ ജു​മാ​മ​സ്ജി​ദ് ഖ​ബ​ർ​സ്ഥാ​നി​ൽ അ​ന്ത്യ​വി​ശ്ര​മം. സു​ര​ക്ഷ മാ​ന​ദ​ണ്ഡ​ങ്ങ​ളോ​ടെ​യാ​യി​രു​ന്നു ഖ​ബ​റ​ട​ക്കം.

സ​മ​യം 6.50 pm

ക​ട​ക​മ്പോ​ള​ങ്ങ​ൾ അ​ട​ഞ്ഞു​കി​ട​ക്കു​ന്ന പാ​ണ്ടി​ക്കാ​ട് ടൗ​ണി​ലൂ​ടെ പൊ​ലീ​സ് അ​ക​മ്പ​ടി​യി​ൽ ആം​ബു​ല​ൻ​സ് ക​ട​ന്നു​വ​ന്നു. വ​ണ്ടൂ​ർ റോ​ഡി​ലെ മ​രാ​ട്ട​പ്പ​ടി​യി​ൽ​നി​ന്ന് ചെ​മ്പ്ര​ശ്ശേ​രി റോ​ഡി​ലേ​ക്ക് തി​രി​ച്ച ആം​ബു​ല​ൻ​സി​നെ അ​ട​ഞ്ഞു​കി​ട​ക്കു​ന്ന വീ​ടി​ന്റെ ജ​നാ​ല​യി​ലൂ​ടെ ആ​ളു​ക​ൾ എ​ത്തി​നോ​ക്കി. റോ​ഡി​നി​രു​വ​ശ​വും മ​ര​ങ്ങ​ൾ നി​റ​ഞ്ഞ ആ ​ചെ​റി​യ റോ​ഡി​ലൂ​ടെ വാ​ഹ​നം പ​തി​യെ നീ​ങ്ങി. ആ ​ചെ​റി​യ മ​ല​യോ​ര ദേ​ശ​ത്ത് നാ​ൽ​ക്ക​വ​ല​ക​ളും അ​ങ്ങാ​ടി​ക​ളും ഒ​ഴി​ഞ്ഞു​കി​ട​ന്നു. സ​ന്ധ്യാ​സ​മ​യ​ത്തെ നു​റു​ങ്ങു വെ​ട്ട​ത്തി​ൽ വീ​ടി​ന്റെ സി​റ്റൗ​ട്ടി​ൽ ഇ​രി​ക്കു​ന്ന​വ​ർ പോ​ലും മാ​സ്ക് ധ​രി​ച്ചി​രു​ന്നു.

7.12 pm

ഒ​ടോ​മ്പ​റ്റ പ​ള്ളി​യു​ടെ മു​ൻ​ഭാ​ഗ​ത്ത് ആം​ബു​ല​ൻ​സ് നി​ന്നു. വെ​ള്ള​പു​ത​ച്ച 14 കാ​ര​ന്റെ മൃ​ത​ദേ​ഹം പി.​പി.​ഇ കി​റ്റ് ധാ​രി​ക​ളാ​യ നാ​ലു​പേ​ർ പ​ള്ളി​പ്പ​റ​മ്പി​ലേ​ക്ക് എ​ടു​ത്തു.

7.15 pm

പ​ള്ളി​പ്പ​റ​മ്പി​ൽ വെ​ച്ച മൃ​ത​ദേ​ഹ​ത്തി​ന​ടു​ത്തേ​ക്ക് പി.​പി.​ഇ കി​റ്റ് ധാ​രി​ക​ളാ​യ കു​റ​ച്ചു​പേ​ർ ക​ട​ന്നു​വ​ന്നു. മ​യ്യി​ത്ത് ന​മ​സ്കാ​ര​ത്തി​ന് വ​ല്ല്യു​പ്പ അ​ബ്ദു​ൽ ഖാ​ദ​ർ സ്വ​ലാ​ഹി നേ​തൃ​ത്വം ന​ൽ​കി.

7.25 pm

മ​യ്യി​ത്ത് ന​മ​സ്കാ​രം പൂ​ർ​ത്തി​യാ​യ ശേ​ഷം ട്രോ​മാ​കെ​യ​ർ, വൈ​റ്റ് ഗാ​ർ​ഡ് പ്ര​വ​ർ​ത്ത​ക​രു​ടെ നേ​തൃ​ത്വ​ത്തി​ൽ ഖ​ബ​റ​ട​ക്കം ആ​രം​ഭി​ച്ചു.

7.55 pm

അ​ര മ​ണി​ക്കൂ​റോ​ള​മെ​ടു​ത്ത് വ​ള​ൻ​റി​യ​ർ​മാ​രും ആ​രോ​ഗ്യ​പ്ര​വ​ർ​ത്ത​ക​രും പൊ​ലീ​സും ചേ​ർ​ന്ന് ഖ​ബ​റ​ട​ക്ക ന​ട​പ​ടി​ക​ൾ പൂ​ർ​ത്തി​യാ​ക്കി.

ചികിത്സക്ക് എ​ല്ലാ മു​ൻ​ക​രു​ത​ലും എ​ടു​ത്തി​രു​ന്നെ​ന്ന് സ്വ​കാ​ര്യ ആ​ശു​പ​ത്രി​യി​ലെ ഡോ​ക്ട​ർ

പെ​രി​ന്ത​ൽ​മ​ണ്ണ: നി​പ സ്ഥി​രീ​ക​രി​ച്ച​ശേ​ഷം കോ​ഴി​ക്കോ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ മ​രി​ച്ച 14കാ​ര​നെ എ​ല്ലാ​വി​ധ മു​ൻ​ക​രു​ത​ലോ​ടും കൂ​ടി​യാ​ണ് നേ​ര​ത്തെ ചി​കി​ത്സി​ച്ച​തെ​ന്ന് പെ​രി​ന്ത​ൽ​മ​ണ്ണ​ മൗലാന ആ​ശു​പ​ത്രി​യി​ൽ കു​ട്ടി​യെ ചി​കി​ത്സി​ച്ച ഡോക്ടർ ​ദീ​പു അറിയിച്ചു.

രോ​ഗി​യെ സ്വീ​ക​രി​ച്ച പീ​ഡി​യാ​ട്രി​ക് റെ​സി​ഡ​ന്‍റ്​ ഡോ​ക്ട​ർ മാ​സ്കും ഗ്ലൗ​സും ധ​രി​ച്ചാ​ണ് നോ​ക്കി​യ​ത്. താ​ൻ​ത​ന്നെ നേ​രി​ട്ടാ​ണ് ജീ​വ​ന​ക്കാ​രു​ടെ സ​ഹാ​യ​ത്തോ​ടെ വെ​ന്‍റി​ലേ​റ്റ​റി​ലേ​ക്ക് മാ​റ്റി​യ​ത്. പീ​ഡി​യാ​ട്രി​ക് ഐ.​സി.​യു​വി​ൽ സ്വീ​ക​രി​ക്കു​മ്പോ​ഴും പ​രി​ച​രി​ക്കു​മ്പോ​ളും എ​ല്ലാ​വ​രും മാ​സ്ക്, ഗ്ലൗ​സ്, സാ​നി​റ്റൈ​സ​ർ എ​ന്നി​വ ഉ​പ​യോ​ഗി​ച്ചി​രു​ന്നു.

കു​ട്ടി പ​നി തു​ട​ങ്ങു​ന്ന​തി​ന് ര​ണ്ടു​ദി​വ​സം മു​മ്പ് കു​ള​ത്തി​ൽ കു​ളി​ച്ച​തി​നാ​ൽ വൈ​റ​ൽ മ​സ്തി​ഷ്‌​ക ജ്വ​ര​വും അ​മീ​ബി​ക് മ​സ്തി​ഷ്ക ജ്വ​ര​വും സം​ശ​യി​ച്ചു. എം.​ആ​ർ.​ഐ​യി​ൽ മ​സ്തി​ഷ്ക ജ്വ​ര​ങ്ങ​ളി​ൽ കാ​ണു​ന്ന മാ​റ്റം മാ​ത്ര​മേ ഉ​ണ്ടാ​യി​രു​ന്നു​ള്ളു. പ​രി​ശോ​ധ​ന​യി​ൽ അ​മീ​ബി​ക് എ​ൻ​സ​ഫ​ലൈ​റ്റി​സി​ന്‍റെ ല​ക്ഷ​ണ​ങ്ങ​ൾ ക​ണ്ടി​ല്ല. ര​ക്ത​പ​രി​ശോ​ധ​ന​യി​ൽ ചെ​ള്ള് പ​നി​യു​ടെ​യും ഡെങ്കി​പ്പ​നി​യു​ടെ​യും ല​ക്ഷ​ണം ഉ​ണ്ടാ​യി​രു​ന്നു.

ഡെങ്കി​പ്പ​നി ടെ​സ്റ്റ് ര​ണ്ട് ത​വ​ണ നെ​ഗ​റ്റി​വ് ആ​യി. ഓ​ട്ടോ ഇ​മ്യൂ​ൺ എ​ൻ​സ​ഫ​ലൈ​റ്റി​സ് എ​ന്ന അ​സു​ഖ ല​ക്ഷ​ണ​ത്തി​നും ചി​കി​ത്സ തു​ട​ർ​ന്നു. കോ​ഴി​ക്കോ​ട് വൈ​റോ​ള​ജി ലാ​ബ്​ റി​പ്പോ​ർ​ട്ട് നെ​ഗ​റ്റി​വാ​വു​ക​യും ബു​ധ​നാ​ഴ്ച​യി​ലെ എം.​ആ​ർ.​ഐ​യി​ൽ സ്ഥി​തി മോ​ശ​മാ​യി വ​രി​ക​യും ചെ​യ്ത​തോ​ടെ നി​പ പോ​ലെ അ​ത്യ​പൂ​ർ​വ വൈ​റ​സ്‌ ആ​വാ​മെ​ന്ന സം​ശ​യ​മു​ണ്ടാ​യി.

പു​ണെ വൈ​റോ​ള​ജി ലാ​ബി​ൽ ബ​ന്ധ​പ്പെ​ട്ട്, മ​ല​പ്പു​റം ഡി.​എം.​ഒ ഓ​ഫി​സി​ൽ വി​വ​രം അ​റി​യി​ച്ചു. സാ​മ്പി​ൾ പു​ണെ​യി​ലേ​ക്ക് വ്യാ​ഴാ​ഴ്ച അ​യ​ച്ച ശേ​ഷ​മാ​ണ് കോ​ഴി​ക്കോ​ട്ടേ​ക്ക് റ​ഫ​ർ ചെ​യ്ത​ത്. ചി​കി​ത്സ തേ​ടി​യി​ട്ടു​ള്ള​വ​രോ ത​ന്നെ കാ​ണി​ച്ചി​ട്ടു​ള്ള​വ​രോ യാ​തൊ​രു രീ​തി​യി​ലും ഭ​യ​പ്പെ​ടേ​ണ്ട​തി​ല്ല. ആ ​കു​ട്ടി ഐ.​സി.​യു​വി​ൽ ചി​കി​ത്സ​യി​ൽ ആ​യി​രു​ന്നെ​ന്നും മ​റ്റു ബന്ധങ്ങൾ ഒ​ന്നും ഉ​ണ്ടാ​യി​ട്ടി​ല്ലെ​ന്നും ഡോ. ​ദീ​പു അ​റി​യി​ച്ചു.

എന്താണ് നിപ? എന്തെല്ലാം ശ്രദ്ധിക്കണം

ചി​ല പ്ര​ത്യേ​ക ത​രം പ​ഴം​തീ​നി വ​വ്വാ​ലു​ക​ളു​ടെ ശ​രീ​ര​ത്തി​ൽ കാ​ണ​പ്പെ​ടു​ന്ന ആ​ർ.​എ​ൻ.​എ വൈ​റ​സ് ആ​ണ് നി​പ. 1999ൽ ​മ​ലേ​ഷ്യ​യി​ലെ​യും സിം​ഗ​പ്പൂ​രി​ലെ​യും പ​ന്നി വ​ള​ർ​ത്തു​കാ​രി​ലാ​യി​രു​ന്നു ആ​ദ്യ വൈ​റ​സ് ബാ​ധ.

നി​പ വൈ​റ​സ് ശ​രീ​ര​ത്തി​ലെ​ത്തി​യ എ​ല്ലാ​വ​ർ​ക്കും രോ​ഗം ബാ​ധി​ക്ക​ണ​മെ​ന്നി​ല്ല. ആ​ളു​ടെ പ്ര​തി​രോ​ധ​ശേ​ഷി, വൈ​റ​സി​ന്റെ അ​ള​വ് എ​ന്നി​വ അ​നു​സ​രി​ച്ചാ​യി​രി​ക്കും രോ​ഗ​ബാ​ധ. പ​നി, ചു​മ, ഛർ​ദ്ദി, ക്ഷീ​ണം, ത​ല​വേ​ദ​ന, ശ​രീ​ര​വേ​ദ​ന, വ​യ​റു​വേ​ദ​ന, ബോ​ധ​ക്ഷ​യം, കാ​ഴ്ച മ​ങ്ങ​ൽ എ​ന്നി​വ​യാ​ണ് ല​ക്ഷ​ണ​ങ്ങ​ൾ.

പ​ക​രു​ന്ന​തെ​ങ്ങ​നെ

• വൈ​റ​സ് ബാ​ധ​യു​ള്ള വ​വ്വാ​ലു​ക​ളി​ൽ​നി​ന്നോ പ​ന്നി​ക​ളി​ൽ​നി​ന്നോ പ​ക​രും
• മ​നു​ഷ്യ​രി​ൽ​നി​ന്ന് മ​നു​ഷ്യ​രി​ലേ​ക്കും മൃ​ഗ​ങ്ങ​ളി​ൽ​നി​ന്ന് മ​നു​ഷ്യ​രി​ലേ​ക്കും പ​ക​രും
• വ​വ്വാ​ൽ ക​ടി​ച്ച പ​ഴ​ങ്ങ​ളും വ​വ്വാ​ലു​ക​ളു​ടെ കാ​ഷ്ഠം ക​ല​ർ​ന്ന വെ​ള്ള​വും രോ​ഗം വ​രു​ത്തും

എ​ങ്ങ​നെ പ്ര​തി​രോ​ധി​ക്കാം?

• മാ​സ്ക് ഉ​പ​യോ​ഗി​ക്കു​ക
• കൈ​ക​ൾ ന​ന്നാ​യി സോ​പ്പ് അ​ല്ലെ​ങ്കി​ൽ ഹാ​ൻ​ഡ്‌ വാ​ഷ് ഉ​പ​യോ​ഗി​ച്ച് ക​ഴു​കു​ക
• പ​ഴ​ങ്ങ​ളും പ​ച്ച​ക്ക​റി​ക​ളും ന​ന്നാ​യി ക​ഴു​കി ഉ​പ​യോ​ഗി​ക്കു​ക
• പ​ക്ഷി​ക​ളോ മൃ​ഗ​ങ്ങ​ളോ ക​ടി​ച്ച പ​ഴ​ങ്ങ​ൾ പൂ​ർ​ണ​മാ​യി ഒ​ഴി​വാ​ക്കു​ക
• തി​ള​പ്പി​ച്ചാ​റി​യ വെ​ള്ള​വും ചൂ​ടു​ള്ള ഭ​ക്ഷ​ണ​വും മാ​ത്രം ക​ഴി​ക്കു​ക
• കി​ണ​റു​ക​ളി​ലും ടാ​ങ്കു​ക​ളി​ലും വ​ല സ്ഥാ​പി​ക്കു​ക