ഡെങ്കിപ്പനി; ഇടുക്കിയിൽഅഞ്ച്​ പുതിയ ഹോട്ട്​സ്​പോട്ട്​

തൊ​ടു​പു​ഴ: ജി​ല്ല​യി​ല്‍ ആ​രോ​ഗ്യ​വ​കു​പ്പ് എ​ല്ലാ ആ​ഴ്ച​യും ന​ട​ത്തു​ന്ന പ്ര​തി​വാ​ര വെ​ക്ട​ര്‍ സ്റ്റ​ഡി റി​പ്പോ​ര്‍ട്ട് പ്ര​കാ​രം അ​റ​ക്കു​ളം ( വാ​ര്‍ഡ് -7), പീ​രു​മേ​ട് (വാ​ര്‍ഡ് -6), വ​ണ്ടി​പ്പെ​രി​യാ​ർ (വാ​ര്‍ഡ് -11), കു​മ​ളി (വെ​ള്ളാ​രം​കു​ന്ന്), ക​രി​മ​ണ്ണൂ​ര്‍ (മു​ള​പ്പു​റം) എ​ന്നി​വ ഹോ​ട്ട് സ്‌​പോ​ട്ടു​ക​ളാ​യി ക​ണ്ടെ​ത്തി. ഹൈ ​റി​സ്‌​ക് പ്ര​ദേ​ശ​മാ​യി റി​പ്പോ​ര്‍ട്ട് ചെ​യ്യ​പ്പെ​ടു​ന്ന ഇ​ത്ത​രം സ്ഥ​ല​ങ്ങ​ളി​ല്‍ കൊ​തു​കു​ജ​ന്യ രോ​ഗ​ങ്ങ​ളാ​യ ഡെ​ങ്കി​പ്പ​നി, ചി​കു​ന്‍ഗു​നി​യ എ​ന്നി​വ​ക്കു​ള്ള സാ​ധ്യ​ത കൂ​ടു​ത​ലാ​യി​രി​ക്കും. അ​തി​നാ​ല്‍ ജ​ന​ങ്ങ​ള്‍ ജാ​ഗ്ര​ത പാ​ലി​ക്ക​ണ​മെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ ഡോ. ​എ​ല്‍. മ​നോ​ജ്, ജി​ല്ല സ​ര്‍വ​യ്​​ല​ന്‍സ് ഓ​ഫി​സ​ര്‍ ഡോ. ​ജോ​ബി​ന്‍ ജി. ​ജോ​സ​ഫ് എ​ന്നി​വ​ര്‍ അ​റി​യി​ച്ചു. ക​ഴി​ഞ്ഞ ദി​വ​സം അ​റ​ക്കു​ള​ത്ത്​ പ​നി ബാ​ധി​ച്ച്​ ചി​കി​ത്സ​യി​ലി​രു​ന്ന ഡെ​യ്​​സി മ​ര​ണ​പ്പെ​ട്ടി​രു​ന്നു. ഇ​വ​ർ ഡെ​ങ്കി​പ്പ​നി ബാ​ധി​ച്ച്​ ചി​കി​ത്സ​യി​ലാ​യി​രു​ന്നു.

രോ​ഗ​പ്ര​തി​രോ​ധ​ത്തി​ന് കൊ​തു​ക്​ വ​ള​രു​ന്ന സാ​ഹ​ച​ര്യം വീ​ടു​ക​ളി​ലോ പ​രി​സ​ര പ്ര​ദേ​ശ​ങ്ങ​ളി​ലോ ഇ​ല്ല എ​ന്നു​റ​പ്പാ​ക്ക​ണ​മെ​ന്ന്​ ആ​രോ​ഗ്യ വ​കു​പ്പ്​ അ​ധി​കൃ​ത​ർ പ​റ​ഞ്ഞു. വീ​ടി​നു​ള്ളി​ലും പു​റ​ത്തും അ​ടു​ത്ത പ​റ​മ്പു​ക​ളി​ലും മ​ഴ​വെ​ള്ളം കെ​ട്ടി​ക്കി​ട​ക്കു​ന്നി​ല്ലെ​ന്ന് ഉ​റ​പ്പാ​ക്ക​ണം. കു​പ്പി, പാ​ട്ട, ചി​ര​ട്ട, അ​ല​ക്ഷ്യ​മാ​യി വ​ലി​ച്ചെ​റി​യു​ന്ന പ്ലാ​സ്റ്റി​ക് മാ​ലി​ന്യം, ക​ളി​പ്പാ​ട്ട​ങ്ങ​ള്‍, റ​ബ​ര്‍ ടാ​പ്പി​ങ്​ ചി​ര​ട്ട​ക​ള്‍, കൊ​ക്കോ തോ​ടു​ക​ള്‍, ക​മു​ക് പോ​ള​ക​ള്‍, വീ​ടി​ന്റെ സ​ണ്‍ഷേ​ഡു​ക​ള്‍, കു​മ്പി​ള്‍ ഇ​ല​ക​ളോ​ടു​കൂ​ടി​യ ചെ​ടി​ക​ള്‍, മ​ര​പ്പൊ​ത്തു​ക​ള്‍ തു​ട​ങ്ങി​യ ഇ​ട​ങ്ങ​ളി​ല്‍ ഒ​രു സ്പൂ​ണി​ല്‍ താ​ഴെ വെ​ള്ളം ഒ​രാ​ഴ്ച തു​ട​ര്‍ച്ച​യാ​യി കെ​ട്ടി നി​ന്നാ​ല്‍പോ​ലും ഡെ​ങ്കി​പ്പ​നി പ​ര​ത്തു​ന്ന കൊ​തു​ക് വ​ള​രും. ഇ​ത് ഒ​ഴി​വാ​ക്കു​ന്ന​തി​ന് ആ​ഴ്ച​യി​ല്‍ ഒ​രു ദി​വ​സം ഡ്രൈ​ഡേ ആ​ച​രി​ച്ച് വെ​ള്ളം കെ​ട്ടി​ക്കി​ട​ക്കു​ന്ന സാ​ഹ​ച​ര്യ​ങ്ങ​ൾ ഇ​ല്ലാ​താ​ക്ക​ണ​മെ​ന്ന് ആ​രോ​ഗ്യ​വ​കു​പ്പ് അ​റി​യി​ച്ചു. വ്യാ​ധി​ക​ൾ ജി​ല്ല​യു​ടെ പ​ല​ഭാ​ഗ​ത്തും റി​പ്പോ​ർ​ട്ട് ചെ​യ്യ​പ്പെ​ടു​ന്ന സാ​ഹ​ച​ര്യ​ത്തി​ൽ അ​ടി​യ​ന്ത​ര പ്ര​തി​രോ​ധ ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ടെ​ന്ന്​ ഇ​വ​ർ അ​റി​യി​ച്ചു.

ശു​ചീ​ക​ര​ണം പൂ​ർ​ത്തി​യാ​ക്കു​ന്ന​തി​ന് പൊ​തു​ജ​ന​ങ്ങ​ളു​ടെ സ​ഹ​ക​ര​ണം ആ​വ​ശ്യ​മു​ണ്ട്. വി​നോ​ദ സ​ഞ്ചാ​ര​ത്തി​ന്‍റെ ഭാ​ഗ​മാ​യി ജി​ല്ല​ക്ക​ക​ത്തു​നി​ന്നും പു​റ​ത്തു​നി​ന്നും എ​ത്തു​ന്ന സ​ഞ്ചാ​രി​ക​ൾ മാ​ലി​ന്യം വ​ലി​ച്ചെ​റി​ഞ്ഞു പാ​ത​യോ​ര​ങ്ങ​ളും വ​ന​പ്ര​ദേ​ശ​ങ്ങ​ളും മ​ലി​ന​മാ​ക്കു​ന്ന പ്ര​വ​ണ​ത അ​വ​സാ​നി​പ്പി​ക്ക​ണം. നി​യ​മ​ലം​ഘ​നം ന​ട​ത്തു​ന്ന​വ​ർ​ക്കെ​തി​രെ പൊ​ലീ​സ്, വ​നം വ​കു​പ്പ്, വി​നോ​ദ​സ​ഞ്ചാ​ര വ​കു​പ്പ്, ത​ദ്ദേ​ശ ഭ​ര​ണ​സ്ഥാ​പ​ന​ങ്ങ​ൾ എ​ന്നി​വ​ർ മു​ഖം നോ​ക്കാ​തെ ക​ർ​ശ​ന ന​ട​പ​ടി കൈ​ക്കൊ​ള്ള​ണ​മെ​ന്നും അ​ധി​കൃ​ത​ർ പ​റ​ഞ്ഞു.