ആ​തു​ര​സേ​വ​ന​ത്തോ​ടൊ​പ്പം ഹെ​ൽ​ത്ത്​ ഫി​റ്റ്​​ന​സ്​ പാ​ഠ​ങ്ങ​ളും പ​ക​ർ​ന്ന്​ ഷിം​ന ജോ​സ​ഫ്​

റി​യാ​ദ്​: രോ​ഗി​ക​ളെ പ​രി​ച​രി​ക്ക​ലാ​ണ്​ ഒ​രു ന​ഴ്​​സി​​ന്റെ ദൗ​ത്യം. എ​ന്നാ​ൽ രോ​ഗ​ങ്ങ​ളു​ണ്ടാ​കാ​തി​രി​ക്കാ​ൻ എ​ന്തു​ചെ​യ്യ​ണ​മെ​ന്നും ആ​രോ​ഗ്യ​പ​രി​പാ​ല​നം എ​ങ്ങ​നെ​യാ​യി​രി​ക്ക​ണ​മെ​ന്നും ആ​ളു​ക​ളെ ബോ​ധ​വ​ൽ​​ക​രി​ക്ക​ലും അ​വ​ർ​ക്ക്​ വ്യാ​യാ​മ​മു​റ​ക​ൾ പ​റ​ഞ്ഞു​കൊ​ടു​ക്ക​ലും​കൂ​ടി ആ​തു​ര​സേ​വ​ന​ത്തി​​ന്റെ ഭാ​ഗ​മാ​ക്കി​യി​രി​ക്കു​ക​യാ​ണ്​ ഷിം​ന ജോ​സ​ഫ്.

റി​യാ​ദി​ലെ​ ഇ​മാം അ​ബ്​​ദു​റ​ഹ്​​മാ​ൻ അ​ൽ​ഫൈ​സ​ൽ​ ആ​ശു​പ​ത്രി​യി​ൽ സ്റ്റാ​ഫ്​ ന​ഴ്​​സാ​യി​രു​ന്ന മ​ല​പ്പു​റം പെ​രി​ന്ത​ൽ​മ​ണ്ണ സ്വ​ദേ​ശി ഷിം​ന​യു​ടെ ഓ​ൺ​ലൈ​ൻ വ്യാ​യാ​മ​പാ​ഠ​ങ്ങ​ൾ ലോ​ക​ത്തി​​ന്റെ നാ​നാ​ദി​ക്കു​ക​ളി​ലു​ള്ള​വ​രാ​ണ്​ ഫോ​ളോ ചെ​യ്യു​ന്ന​ത്.​ ഗൂ​ഗ്ൾ മീ​റ്റി​ലൂ​ടെ​യാ​ണ്​ പ​രി​ശീ​ല​നം.

റി​യാ​ദി​ൽ സ​ഹ​പ്ര​വ​ർ​ത്ത​ക​ർ​ക്കും സു​ഹൃ​ത്തു​ക്ക​ൾ​ക്കും ഹെ​ൽ​ത്ത്​ ഫി​റ്റ്​​ന​സ് പാ​ഠ​ങ്ങ​ൾ പ​റ​ഞ്ഞു​കൊ​ടു​ത്തു​കൊ​ണ്ടാ​യി​രു​ന്നു തു​ട​ക്കം. ആ​രോ​ഗ്യ​ക​ര​മ​ല്ലാ​ത്ത ശീ​ല​ങ്ങ​ൾ ജീ​വ​നു​ത​ന്നെ ഭീ​ഷ​ണി​യാ​വു​ന്ന സാ​ഹ​ച​ര്യ​ത്തി​ൽ സ​ഹ​പ്ര​വ​ർ​ത്ത​ക​രു​ടെ ആ​രോ​ഗ്യ​കാ​ര്യ​ങ്ങ​ൾ ശ്ര​ദ്ധി​ച്ചു​തു​ട​ങ്ങി. അ​വ​രു​ടെ ജീ​വി​ത​ശൈ​ലി​യും ദി​ന​ച​ര്യ​ക​ളും നി​രീ​ക്ഷി​ച്ചു.

ആ​രോ​ഗ്യ​ത്തേ​ക്കാ​ൾ മ​നോ​ഹ​ര​മാ​യ മ​റ്റൊ​ന്നി​ല്ല. ഒ​രു അ​സു​ഖം വ​രു​മ്പോ​ൾ മാ​ത്രം നോ​ക്കേ​ണ്ട ഒ​ന്ന​ല്ല ആ​രോ​ഗ്യ​വും ആ​രോ​ഗ്യ​ക്ഷ​മ​ത​യും. ചെ​റി​യ കു​ട്ടി​ക​ൾ മു​ത​ൽ മു​തി​ർ​ന്ന​വ​ർ വ​രെ ജീ​വി​ത​ശീ​ല​മാ​ക്കേ​ണ്ട ഒ​ന്നാ​ണ് ഫി​റ്റ്നെ​സെ​ന്നും അ​ത്​ നി​ല​നി​ർ​ത്തേ​ണ്ടു​ന്ന കാ​ര്യ​ങ്ങ​ളെ​ന്ന ചി​ന്ത​ക​ൾ കൂ​ട്ടു​കാ​രു​മാ​യി ഷിം​ന പ​ങ്കു​വെ​ച്ചു.

സു​ഹൃ​ത്തും ന​ഴ്സു​മാ​യ ദി​വ്യ ഭാ​സ്ക​റു​മാ​യാ​ണ്​ ഇ​ക്കാ​ര്യം പ്ര​ധാ​ന​മാ​യും ച​ർ​ച്ച ചെ​യ്​​ത​ത്. ആ​രോ​ഗ്യ​കാ​ര്യ​ങ്ങ​ളി​ലെ അ​റി​വി​ല്ലാ​യ്മ​യാ​ണ് രോ​ഗ​ങ്ങ​ളി​ലേ​ക്കെ​ത്തി​ക്കു​ന്ന​തെ​ന്നും ബോ​ധ​വ​ത്ക​ര​ണം അ​നി​വാ​ര്യ​മാ​ണെ​ന്നു​മു​ള്ള നി​ഗ​മ​ന​ത്തി​ലെ​ത്തി. അ​ത്​ ‘ഷിം ​സി​ഗ്​​നേ​ച്ച​ർ ഫി​റ്റ്ന​സ് സ്റ്റു​ഡി​യോ’ എ​ന്ന മൂ​ർ​ത്ത​മാ​യ ഒ​രു ആ​ശ​യ​ത്തി​​ന്റെ പി​റ​വി​യി​ലെ​ത്തി. പി​ന്നീ​ട​ങ്ങോ​ട്ട് ഈ ​ആ​ശ​യം എ​ങ്ങ​നെ പ്രാ​വ​ർ​ത്തി​ക​മാ​ക്കാം എ​ന്ന ല​ക്ഷ്യ​ത്തോ​ടെ​യു​ള്ള ചു​വ​ടു​വെ​പ്പു​ക​ളാ​യി​രു​ന്നു. തൃ​ശൂ​ർ ഐ.​ബി.​എ​സ് അ​ക്കാ​ദ​മി​യി​ൽ​നി​ന്ന് ഫി​റ്റ്ന​സ് പ​രി​ശീ​ല​ന​ത്തി​ൽ അ​മേ​രി​ക്ക​ൻ ഡി​പ്ലോ​മ നേ​ടി.

ദി​വ്യ​യോ​ടൊ​ത്ത് പ​രി​ച​യ​സ​മ്പ​ന്ന​രാ​യ ഡ​യ​റ്റീ​ഷ്യ​ന്മാ​രെ​യും ട്രെയ്ന​ർ​മാ​രെ​യും കൂ​ടെ​ക്കൂ​ട്ടി റി​യാ​ദി​ൽ ‘ഷിം ​സി​ഗ്​​നേ​ച്ച​ർ’ എ​ന്ന പ​രി​ശീ​ല​ന​പ​രി​പാ​ടി​ക്ക്​ തു​ട​ക്കം കു​റി​ച്ചു. ആ​ദ്യ​മാ​ദ്യം പ്ര​ഭാ​ത​ങ്ങ​ളി​ൽ സു​ഹൃ​ത്തു​ക്ക​ൾ​ക്ക് റി​യാ​ദി​ലെ വി​വി​ധ പാ​ർ​ക്കു​ക​ൾ കേ​ന്ദ്രീ​ക​രി​ച്ച് പ​രി​ശീ​ല​നം ന​ൽ​കി​യി​രു​ന്നു.

എ​ന്നാ​ൽ വേ​ണ്ട​ത്ര പ്രാ​യോ​ഗി​ക​മ​ല്ലെ​ന്ന്​ മ​ന​സ്സി​ലാ​യ​പ്പോ​ൾ പ​രി​ശീ​ല​നം പൂ​ർ​ണ​മാ​യും ഓ​ൺ​ലൈ​ൻ വ​ഴി​യാ​ക്കി. അ​തോ​ടെ ലോ​ക​ത്തി​​ന്റെ വി​വി​ധ കോ​ണു​ക​ളി​ൽ​നി​ന്നാ​യി നി​ര​വ​ധി​യാ​ളു​ക​ൾ പ​രി​ശീ​ല​ന​ത്തി​നാ​യി ജോ​യി​ൻ ചെ​യ്തു.

മൂ​ന്ന് മു​ത​ൽ അ​ഞ്ച് പേ​ര​ട​ങ്ങു​ന്ന ഗ്രൂ​പ്പു​ക​ളാ​യാ​ണ് ഗൂ​ഗ്ൾ മീ​റ്റ് വ​ഴി ത​ത്സ​മ​യം പ​രി​ശീ​ല​നം ന​ൽ​കി​ക്കൊ​ണ്ടി​രി​ക്കു​ന്ന​ത്. പ​രി​ശീ​ല​ന സ​മ​യ​ത്തും തു​ട​ർ​ന്നും വ്യ​ക്ത​മാ​യ ഭ​ക്ഷ​ണ​നി​യ​ന്ത്ര​ണ​ങ്ങ​ളും മ​റ്റും പ​രി​ച​യ​സ​മ്പ​ന്ന​രാ​യ പ​രി​ശീ​ല​ക​ർ ന​ൽ​കും. കൂ​ടാ​തെ പ​രി​ശീ​ല​ന​ത്തി​നു​ള്ള ഉ​പ​ക​ര​ണ​ങ്ങ​ൾ ഉ​പ​യോ​ഗി​ക്കു​ന്ന രീ​തി​ക​ളും പ​രി​ശീ​ലി​പ്പി​ക്കും.

പ​രി​ശീ​ല​ന​ത്തി​നു​ശേ​ഷം വാ​ട്സ്ആ​പ് വ​ഴി സം​ശ​യ​ങ്ങ​ൾ തീ​ർ​ത്തു​കൊ​ടു​ക്കു​ക​യും ചെ​യ്യും. ഇ​ത്ത​ര​ത്തി​ലാ​ണ് പ​രി​ശീ​ല​ന പ​രി​പാ​ടി ക്ര​മീ​ക​രി​ച്ചി​രി​ക്കു​ന്ന​ത്.

ഓ​രോ​രു​ത്ത​ർ​ക്കും വ്യാ​യാ​മ​വും ഡ​യ​റ്റും വ്യ​ത്യ​സ്ത​മാ​യി​രി​ക്കും. ഇ​ത് ക​ണ്ടെ​ത്തി മാ​ർ​ഗ​നി​ർ​ദേ​ശം ന​ൽ​കി കൃ​ത്യ​മാ​യ പ്ലാ​ൻ ത​യാ​റാ​ക്കാ​ൻ സ​ഹാ​യി​ക്കു​ക​യാ​ണ് ഷിം ​സി​ഗ്​​നേ​ച്ച​ർ ഫി​റ്റ്ന​സ് സ്റ്റു​ഡി​യോ ചെ​യ്യു​ന്ന​ത്. കാ​ൽ​ല​ക്ഷ​​ത്തോ​ളം ഫോ​ളോ​വ​ർ​മാ​രു​ള്ള shimsignature_fitness എ​ന്ന ഇ​ൻ​സ്റ്റ പേ​ജ​ട​ക്കം സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ളി​ലൂ​ടെ ലോ​ക​ത്തി​​ന്റെ വി​വി​ധ ഭാ​ഗ​ങ്ങ​ളി​ലു​ള്ള 5,000ത്തി​ല​ധി​ക​മാ​ളു​ക​ൾ​ക്ക് ക​ഴി​ഞ്ഞ കാ​ല​ങ്ങ​ളി​ൽ പ​രി​ശീ​ല​നം ന​ൽ​കാ​നാ​യി​ട്ടു​ണ്ട്.

12 വ​ർ​ഷ​മാ​യി ന​ഴ്സി​ങ് മേ​ഖ​ല​യി​ൽ സേ​വ​ന​മ​നു​ഷ്​​ഠിക്കു​ന്ന ഷിം​ന ജോ​സ​ഫ് ഡ​ൽ​ഹി​യി​ലെ ഇ​ന്ദ്ര​പ്ര​സ്ഥ അ​പ്പോ​ളൊ ആ​ശു​പ​ത്രി​യി​ലാ​ണ് ക​രി​യ​ർ ആ​രം​ഭി​ച്ച​ത്. റി​യാ​ദി​ൽ ആ​രോ​ഗ്യ​മ​ന്ത്രാ​ല​യ​ത്തി​ന്​ കീ​ഴി​ൽ ജോ​ലി നേ​ടി എ​ത്തി​യി​ട്ട്​ ഒ​മ്പ​ത്​ വ​ർ​ഷ​മാ​യി.